Item jan van merwele geheten van dormale in jegewordich(eit)/ der scepen(en) van loven ghestaen heeft gegeven en(de) bekent/ dat hij gegeven heeft reyne(re)n geheten lantmetere en(de)/ michiele styer beyde van dormale alle de goede des voirs(creven)/ jans van merwele in wynnenden landen beemden en(de) allen/ hue(re)n toebehoirten inde prochien van dormale en(de) van wynde/ gelegen Te houden te hebben en(de) te wynnen van halfmeert/ dat wesen sall int jair ons hee(re)n dusent cccc xxxv ene(n)/ t(er)mijn van vi jae(re)n langc deen na dander eenp(er)lic/ sonder myddel volgende elcs jairs dae(re)n bynnen o(m)me/ en(de) voer twintich mudde corens pachts en(de) maten van/ leeuwe goet en(de) payabel met wanne en(de) vloghele wel/ bereyt tsente andries misse appostels [en(de) de helcht ende vanden selven pachte opten lesten dach van meye [aprille] onbegrepen] te betalen en(de)/ te loven te leve(re)n sonder cost des voirs(creven) jans van merwele/ den selven janne alle jae(re) also langhe als sij hij leven sall [den voirs(creven) termijn duerende]/en(de) niet lang(er) en(de) telken t(er)mijn als v(er)volghde schout Voert/ es vurwerde en(de) ondersproken dat de voirs(creven) wynnen de/ voirs(creven) goede wael en(de) getruwelic en(de) te behoreliken tide/ wynnen en(de) werven sullen en(de) oec beheymen den voirs(creven)/ t(er)mijne gelijc hue(re)n reengenoeten boven en(de) beneden en(de)/ die wael en(de) truwelic gewonnen laten inder vueghen/ als hier na volght Te weten vii zillen lants in eenen/ stucke opten hylreberch gelegen met t(er)wen besaeyt en(de)/ totter selver t(er)wen wael gemest v zillen lants opt/ selve velt bide velt beemde oec met t(er)wen besaeyt la(ten)/ en(de) wael ghemest t(er) lester gheersten van hue(re)n t(er)mijne Twee/ zillen lants inden wenen die zullen sij laten brake en(de) ter/selver braken lestwerf wel gemest ter lester gheersten/ i(½) boender lants inden weenen voirs(creven) gelegen zullen sij/ / laten brake en(de) t(er) selv(er) braken wel ghemest lestwerf Item/ vii zillen lants gelegen inde elzen zullen sij laten/ brake Item de i(½) zille lants gelegen inde p(ro)chie/ van wynde aen tcruysken zullen sij laten desge/ lijx brake En(de) alle dese voirg(eruerde) vurw(er)den en(de)/ condicien hebben geloeft de voirs(creven) jan in deene/ en(de) de voirs(creven) wynnen in dande(re) malc ande(re)n vast/(et)c(etera) borch(oven) vynck fe(bruarii) xxvi