!!de kneep!!/ / Item willem mas van geldenake es comen in/ p(rese)ncien andries van voshem [als burg(er)meesters] en(de) gords roelofs/ als raet d(er) stat van loven ende heeft geloeft vo(er)/[hen als inder stat hande] willem van berghen [opten zoom] van eenen scepen(en) brieve/ van loven beg(ri)pende hoe dat jan van moelenbeke/ geg(even) heeft in huwelik(er) vurw(er)den en(de) wettig(er)/ deylinghen janne van mulkene soen willems/ / vanden mulkem van hug(ar)den met joffr(ouwe) katline(n)/ van molenbeke sinen wive docht(er) des voirs(creven) jans/ de goede inden selven brieve beg(re)pen die/ vand(er) daten es van m cccc en(de) vi jae(re)n/ opten lesten dach van julio den welken/ de voirs(creven) willem van b(er)gen willem(me) mas/ ov(er)gaf Waert also dat den selve(n) wille(m)/ van b(er)gen van dien ov(er)geve(n) oft brieve in/ tiden toecomen(de) e(n)nich hynder co(m)mer cost oft/ achterdeel gesciede dat hij daer af den/ selve(n) willem van b(er)gen scadeloes en(de) co(m)merloes/ ontheffen soude tot eewige(n) dagen Oft oec/ gebuerde dat enige p(er)soene quame(n) die/ des briefs naerder oft also nade womey(n)den/ te sijn als willem mas oft die hen e(n)nichs/ rechts daer toe v(er)meten(e) wae(re)n so heeft noch/ geloeft de selve willem mas altoes als dat/ gebue(re)n soude en(de) mens begeerde den selven/ brief voer oegen te bringen en(de) te laten sien/ en(de) visite(re)n [en(de) hen d(aer) mede te behelpen thuerre noet] ter goed(er) meyningen en(de) sond(er) argelist/ no(vembris) v[a] anno xxxv[to]