Cond sij allen lieden dat de p(ro)viseuren momboe(re)n en(de) meest(er)ssen/ vanden g(r)[o]ten gasthuyse bynnen loven in jeg(ewordicheit) der scepen(en) van/ loven gestaen (et) hebben gegeven en(de) bekynt dat sij geg(even) hebben/ uuten name des selfs gasthuys henricke wygger van pelle(n)berch [cortrijcke]/ alle de goede des voirg(eruert) gasthuys te pellenberch geleg(en) te/ weten de huysen metten hove bogarde weyden en(de) wynnenden/ lande daer toe behoe(re)nde Te houden te hebben en(de) te wynnen/ van halfmeerte neestcomen(de) enen t(er)mijn van xii jae(re)n deen na/ dand(er) sond(er) myddel volgen(de) elcs jairs hie(re)n bynnen o(m)me xxi(½)/ mudde rox goet en(de) payabel met wanne en(de) veede(re)n wel bereyt/ d(er) maten van loven tsente andries misse appostels te betalen/ en(de) te loven bynnen den voirs(creven) gasthuyse te leve(re)n alle jae(re) den/ voirs(creven) t(er)mijn due(re)nde en(de) telken t(er)mijn als v(er)volghde schout Item/ sall de voirs(creven) wynne alle jae(re) den voirs(creven) t(er)mijn due(re)nde int/ voirs(creven) hof leve(re)n xxxv mandelen stroes en(de) daer af met/ allen ande(re)n stroe en(de) voesteringhen opte voirs(creven) goede wassen(de)/ die hij met sijnen beesten int voirs(creven) hof etten en(de) sliten/[d(aer)af] mest maken en(de) dat mest opt tvoirs(creven) gasthuys/ / vueren en(de) spreyden tslants meesten orbe(r) en(de) profite Item sall de voirs(creven)/ wynne alle dhoeft opte voirs(creven) goede wassen(de) een hoeftmenghe(r)/ jairlix doen lesen en(de) die afgedaen sijnde en(de) in tween gedeelten/ gesceiden wesen(de) sall de wynnen tsgasthuys gedeelte op sinen cost/ te loven leve(re)n Item mach de voirs(creven) wynne die boeme die opte/ vorlen vanden wynne(n)den lande staen truncken o(m)me d(aer) af berhout/ int voirs(creven) hof en(de) nergent elde(r) te maken en(de) berren It(em) en sall/ de voirs(creven) wynne egheen opgaende houte noch ander int sgasthuys/ bosch moghen houwen noch truncken Item mach de voirs(creven) wynne/ alle v(er)droeghde boeme opte voirs(creven) goede afhouwen en(de) daer voe(r)/ moet hij weder sette(n) voer elken v(er)droeghden boem drie leven(de)/ poten vanden selven arde Item sall de wynne voirg(enoemt) den gasthuyse/ doen alle jae(re) den voirs(creven) t(er)mijn van pelle(n)berch te loven xii vaerde/ met sinen wagen(en) en(de) p(er)den op sinen cost It(em) sall de voirs(creven) wy(n)ne/ den voirs(creven) t(er)mijn due(re)nde hebben i(½) boender bosch beemts luttel/ myn oft meer also sij hij gelegen es tarendonc in tween/ stucken neven vrouwenp(er)ke en(de) daer af sall hij geven den/ voirs(creven) gasthuyse alle jae(re) ii oude gulden lovensche pet(er)s vand(en)/ slaghe h(er)toge wencelijns wilen zalig(er) gedachten h(er)toge van/ brabant tsente m(er)tens misse te betalen alle jae(re) den voirs(creven) t(er)mijn/ due(re)nde en(de) telken t(er)mijn als v(er)volghde schout It(em) sall de voirs(creven)/ wynne int voirs(creven) hof sinen t(er)mijn due(re)nde houden lxxv hoetscape/ Item waert also datmen bynnen den voirs(creven) hove ty(m)merde aende/ huyse aldaer nu staende so soude de voirs(creven) wynnen den werclude(n)/ den montcost geven en(de) tgasthuys de dachue(re)n betalen Item sall/ de voirs(creven) wynne de huyse ald(aer) inden voirs(creven) hove wel en(de) loflic/ houden van wande en(de) dake op sinen cost en(de) der sal tgasthuys/ die tiecheldake houden en(de) d(aer) af sall de wynne den werclude(n)/ den montcost geven en(de) tgasthuys de dachue(re)n En(de) woude/ / voirs(creven) gasthuys enige ande(r) nuwe huyse daer doen ty(m)me(re)n d(aer)af/ soude de wynne vand(en) cost ongehouden wesen Item voert meer/ sall de voirs(creven) wynne de weyde die bynnen des voirs(creven) gasthuys/ bosch wassen sall met sinen beesten die hij bynnen des gasthuys/ hove houden sall moghen etten en(de) weyden It(em) sall de voirs(creven)/ wynne sijn beesten moeten hueden van des gasthuys spruyten/ en(de) jonghen houte iii jae(r) en(de) vanden wekden houte iiii jae(r)/ also dat d(aer) af den gasthuyse egheen scade af en come It(em)/ en sall de wynne egheen beesten in tsgasthuys bosch/ bij nachte laten gaen als sij daer scade doen moghen It(em) sal/ de voirs(creven) wynne bynnen sinen lesten drie jae(re)n egheen lant/ moghen hoervruchten Item sall de voirs(creven) wynne de voirs(creven)/ lande laten also hij die vant tsinen aencomen te wete(n)/ den wynter aert welc en(de) loflic besaeyt op vier ghe/ tidege voren den zomeraert eens o(m)me gedaen en(de)/ de brake geheel Item sall de voirs(creven) wynne de voirs(creven) goede/ bevreet laten tsine(n) afsceiden also hij die vant tsinen/ aencomen Welke vurw(er)den en(de) (con)dicien voirs(creven) de p(ro)viseure(n)/ momboe(re)n en(de) meest(er)ssen vanden gasthuyse voirs(creven) geloeft hebbe(n)/ van weegen des selfs gasthuys den voirs(creven) henricke vast/ en(de) gestentich te houden en(de) wael te voldoen tallen tiden/ en(de) t(er)mijne(n) als sij vallen en(de) v(er)schinen zullen en(de) telken/ t(er)mijn als v(er)volghde schout H(ier) af sijn borgen des voirs(creven)/ wynnen als pri(n)cipale sculde(re)n ongesund(er)t jan wygger/ sijn brued(er) reyne(r) vanden broecke henric trudens van/ cortelke en(de) jan vanden velde van cortelke de welke/ de voirs(creven) henric wygg(er) h(ier) af geloeft heeft scadeloes/ en(de) co(m)merloes te houden en(de) tontheffen hug(ar)den velde/ dec(embris) v[a]