Item jan en(de) daneel de smet van grymb(er)gen gebrued(re)/ es comen in jeg(ewordicheit) der scepen(en) van loven ende heeft/ genomen en(de) bekent dat hij genomen heeft van janne/ van nethen(en) [en(de) gielise den vaulbrospa et ] diemen heet vanden royele thof des/ se[l]fs jans [en(de) gielijs] geheten van oedenbrugge metten huyssen/ hoven wynnenden landen beemden eeusselen en(de) allen hue(re)n/toebehoirten [en(de) [met] eene(n) stucke wynnen(de) lants houden(de) xxv(½) boender lants oft d(aer)omtrint uutgenomen alleen de beemde] inde p(ro)chie van grymb(er)gen en(de) daer omtrent/[alsoet [tselve stucke lants] strect vanden voirs(creven) hove tot inde v aende cluyse alsoe [en(de) gelijc] de voirs(creven) goeden gelegen sijn] gelegen Te houden te hebben en(de) te wynnen van/ halfmeye nu neestleden eenen t(er)mijn van twelf/ jae(re)n langc deen na dander staphans sonder myddel/ volgende elcs jairs dae(re)n bynnen omme en(de) voer/ twelf sacke t(er)wen en(de) xlii sacke rox goet en(de)/ payabel met wanne en(de) veede(re)n wel bereyt d(er) maten/ van grymb(er)gen tsente andries misse appostels te/ betalen en(de) te leve(re)n deen helcht te mechlen en(de)/ dander helcht te vylvorden alle jae(re) den voirs(creven)/ t(er)mijn due(re)nde en(de) telken t(er)mine als v(er)volghde scout/ en(de) oec op v zister ouder erwiten en(de) raepsaets/ te betalen alle jae(re) ten voirs(creven) t(er)mijnen en(de) te leve(re)n/ half te loven tot jans van nethen(en) huys en(de) dand(er)/ helcht int voirs(creven) hof en(de) telken t(er)min (et)c(etera) It(em) sal de/ voirs(creven) wyn jaerlix int voirs(creven) hof leve(re)n xii[c] alsulx/ walms alsmen boven en(de) benden te grymb(er)gen maect/ o(m)me de huysinge d(aer) mede te houden Item sal de/ wynne de huysinge vanden voirs(creven) hove vand(er) und(er)ster/ rikelen ned(er)weert houden op sinen cost in goeden state/ en(de) alsmen den walm v(er)dect so sal oft anders van ouden/ werc werct dan sal de wynne den wercluden den/ montcost gheven en(de) jan en(de) gielijs de dachue(re)n betale(n)/ It(em) allet stroe vanden voirs(creven) goeden comen(de) sall de/ / wynne int voirs(creven) hof etten en(de) sliten met sine(n) beesten/ d(aer) af mest maken en(de) alle dmest op tvoirs(creven) lant/ vue(re)n tslants meesten p(ro)fite It(em) oft de wynne sijn/ stroe van sijns selfs goede int hof brachte o(m)me/ d(aer) af mest te maken so en sal hij niet meer/ mest d(aer) af mogen uutvue(re)n dan hij stroes inne/ brachte en(de) dan sall hij om mest nemen noch/ vanden archsten noch vanden besten noch It(em) en sal/ de voirs(creven) wynne bynnen den lesten iii jae(re)n niet/ meer lants hoervruchten dan hij metten erviten/ en(de) sade dat hij janne en(de) gielise sculd(ich) es besetten/ en(de) besaeyen mach en(de) oec hij int voirs(creven) hof bynnen/ den selven iii jae(re)n besegen sall Item in nuwe ty(m)me/ ringhe aen tvoirs(creven) hof en sall de wynne egheenssins/ gehouden sijn ten wae(re) dat sijn beesten eenige huyse/ gebroken hadde en(de) dat soude de wyn op sine(n) cost/ doen maken It(em) sal de wyn jan en(de) gielise voirs(creven)/ alle jae(re) ii milen o(m)megaens vilvorden vi corweyden/ doen met sinen waghen en(de) vollen gespanne en(de)/ d(aer) af sal de wyn weseliken cost hebben It(em) sall de/ voirs(creven) wynne te sinen afsceden de lande voirs(creven) wel/ op hue(r) getidege voren besaeyt laten Sal oec de/ selve wynne over tijt int voirs(creven) hof ene(n) verre en(de)/ enen beer houden en(de) janne van nethen(en) alle/ jae(re) ii vercken(en) gelijc den sinen It(em) sal hij oec alle/ jae(re) opt voirs(creven) lant tot sayen iii veertelen lijsaets/ En(de) alle dese (et)c(etera) H(ier)af sijn borgen laureys vand(er)/ elst en(de) dann daneel de smet jo(ha)nnis/ abs(oloens) k(er)smake(re) m(ar)tii xvii