Item lansloet van haelwijn en(de) joffr(ouw) gertruyt van rous/ sijn wettige gesellynne in deene en(de) joffr(ouw) katline/ van rous zuster der voirs(creven) joffr(ouwen) g(er)truden in dande(re)/ zijden in jeg(enwoirdicheyt) hebben geloeft dat sij en(de) egheen van/ hen met alsulken schoutbrieve en(de) beleyt brieve daer/ mede sij nu comen en(de) geleidt sijn totten haefliken goeden/ jans van rous vad(er)s der voirs(creven) joffr(ouwen) g(er)truden en(de) joffr(ouw)/ katlinen niet vorder wercken en sullen noch doen noch/ laten wercken dan elc van hen te weten lansloet en(de)/ joffr(ouw) g(er)truyt sijn wijf op den helcht en(de) de voirs(creven)/ joffr(ouw) katline op dand(er) helcht van alle alzulker haven als/ bliven sall na den voirs(creven) janne van rous Geloven(de)/ eendrechtelic die alsdan [den voirs(creven) janne aflivich wesen(de)] te ghelike te deylen sond(er)/ yemant den ande(re)n enigen stoet hynder oft crot [vorder] daer/ aen te doen oft te maken Vortaen hebben geloeft de voirs
//
lansloet en(de) joffr(ouw) g(er)truyt d(er) voirs(creven) [en(de) oec] joffr(ouw) katlinen dat/ sij met alzulken scoutbrieve bekent in voerleden tiden biden/ voirs(creven) janne van rous als sij in hue(re) behelt hebben [moghen noch oec met eghenen ande(re)n brieve(n) die sij hebben oft creghen moghen van weghen wech tegenden d(er) jan rechten erfv(en) art voirs(creven) jans in p(re)judicie des lantrechts van brabant des voirs(vreven) huers vad(er)s] in egheene(n)/ tiden toecomen(de) In (contra)rien van tgheen des voirs(creven) es wercken/ en sullen noch doen wercken noch oec egheen geweer/ daer jegen maken [in enig(er) wijs] sonder nuvonde en(de) argelist eisd(em)/