Item de voirs(creven) p(er)sone hebben geloeft ongezundert en(de) ongesceide(n) en(de) op lants soene/ den voirs(creven) h(er) wout(ere)n en(de) janne oft den eene(n) van hen twee gulden peters d(er) munte(n)/ van name(n) h(er)toge philips h(er)toge van bourg(oign)[en] en(de) van brabant erfrinten te betalen/ alle jae(re) half tsente jans misse baptiste(n) en(de) half te kersmisse erflic h(ier) na volgen(de)/ o(m)me d(aer)mede alle weecke(n) erflic inde cappelle van ons(er) [liev(er)] vrouwe(n)t te heerent/ een zielmisse voe(r) de ziele henrix wilen vanden doerne gehete(n) v(ere)ng(er)truden bij/ janne wilen den bruyne [voirscr(even)] nat(uer)lec soen h(er) gheerts wile(n) bruyne(n) van live t(er) doet bracht/ gecelubreert te werden welke twee gulden peters erfrinte(n) de voirs(creven) p(er)sone bij bynne(n)/ drie jae(re)n neestvolgen(de) geloeft hebbe(n) den voirs(creven) p(er)soene(n) oft den eene(n) van hen bring(er) des/ briefs wael te bewijsen op eenen goeden zeke(re)n pant bynnen heerent gelegen weert/ sijnde boven alle commer daer voe(r) uutgaende vier [drie] peters erfrinten en(de) oft sij des/ des niet en dade(n) so hebbe(n) sij geloeft den voirs(creven) p(er)soene(n) oft den eene(n) de voirs(creven) erfrinte(n)/ te bewijse(n) op eene(n) goede(n) zeke(re)n pant des voirs(creven) jans bruynen bynne(n) heerent geleg(en)/ weert sijnde bove(n) alle co(m)mer d(aer) voe(r) uut gaende drie pet(er)s erfrinte(n) et t(antu)m ende/ oft geviele gebuerde dat bynne(n) den voirs(creven) tijde eer de voirs(creven) twee pet(er)s gelijc/ voirs(creven) es bewesen wae(re)n e(n)nich der voirs(creven) p(er)soene(n) het wae(re) een oft meer aflivich/ worde oft worde(n) so hebbe(n) sij geloeft dat sij voe(r) den gheene oft gheenen/ die aflivich w(er)den een oft meer een oft meer na datt(er) aflivich worden wae(re) by(n)nen/ xl dage(n) na de doet des gheens die afsceide(n) sall oft zullen sijn gelijcke borgen/ sette(n) zulle(n) sond(er) fraude oft argelist prim[(us)] cap(elle)[ma(n)] ov(er)winge iunior m(ar)tii xxv
//