Cond sij allen liede(n) dat wout(er) janssoen van breda heeft ope(n)baerlic quijtgescoude(n) sijn toeleidt/ toeleit mids scepen(en) brieve(n) van love(n) totte(n) goeden h(ier)na bescr(even) jans van guetskove(n) hee(r) tot/ volen also verre als dat beleidt hynderlic sijn mochte den vurwerde(n) condicie(n) en(de) geloefte(n)/ h(ier) na bescr(even) dat gedae(n) de voirs(creven) jan van guetskove(n) hee(r) tot volen in jeg(enwordicheit) d(er) scepen(en)/ van loven(en) gestae(n) heeft verhuert en(de) bekynt dat hij verhuert heeft met orlove/ shee(re)n vanden gronde janne van bolgry en(de) janne vanden putte de goede h(ier) na bescr(even)/ te weten(n) dwoenhuys des selfs jans hee(r) tot volen metten huysen stalle houdhuys messie/ en(de) metter porten en(de) vouten geleg(en) bij sente geertruden opde dyle aldaer tusche(n) de/ selve dyle en(de) dander huys des voirs(creven) jans hee(r) tot voelne dat uutcomt inde coestate/ It(em) eenen hof met sijnre toebehoerte(n) geleg(en) acht(er) de munte te love(n) tussche(n) de selve/ mu(n)te en(de) den raemhof aldaer te houden en(de) te hebben van opte(n) ierste(n) dach der maent/ van octobri die wesen sal int jair ons he(re)n dusentvierhondert en(de) negen(en)dertich tot eene(n)/ t(er)mijn van negen jae(re)n langc deen na dander dair na sonder myddel volgen(de) elx jaers/ daer en bynnen om sessen(en)dertich hollantsche gulden(en) van goude goede en(de) gheve te weten/ es twee gulden cronen d(er) mu(n)ten skoninx van vrancr(ijk) goet van goude en(de) gerecht van/ gewichte voe(r) drie vanden voirs(creven) gulden(en) gereke(n)t half tot paessche(n) en(de) half tsente remeys/ misse te betale(n) alle jae(re) den voirs(creven) t(er)mijn due(re)nde en(de) telke(n) t(er)mijne alse vervolghde schout/bede behoudelic dien dat jan hee(r) tot voelne voirs(creven) inde voirs(creven) voute jaerlex sal/ moge(n) doen legge(n) twee oft drie vate wijns den voirg(enoemde) t(er)mijn due(re)nde en(de) es/ vurwerde dat de voirs(creven) jan hee(r) tot voelne alle den co(m)mer en chijns uut den voirs(creven)/ goede(n) gaende jairlix den selve(n) t(er)mijn due(re)nde gelden en(de) betale(n) sal en(de) de selve/ huysinge den voirs(creven) t(er)mijn due(re)nde wel en(de) loflic houde(n) van wande en(de) van dake/ en(de) sal oic de selve jan hee(r) tot voelne sijn huys dat hij ald(aer) behelt wel en(de) loflic/ beheyme(n) besluyte(n) bevrede(n) en(de) vermake(n) also dat nyema(n)t inde voirg(enoemde) goede/ gaen come(n) noch sien en sall uut den huyse dat de voirs(creven) jan hee(r) tot voelne/ aldaer behelt ghevielt oec also dat de voirs(creven) jan van bolgry en(de) jan vande(n)/ putte inde voirs(creven) huyse yet dade(n) make(n) bynne(n) den voirs(creven) t(er)mijne dat sele(n) sij talle(n)/ tiden als sij uut den voirs(creven) huysi(n)gen trecke(n) selen wed(er) af moge(n) doen en(de) desgelijx/ waert dat sij aende voirs(creven) huysi(n)ge yet brake(n) dat sij dat weder selen doen make(n)/ en(de) oft oic also geviele dat de voirs(creven) jan van bolgry en(de) jan vande(n) putte aende/ dake oft aen de wande yd yet daden make(n) dat daer aen gebrake by(n)nen den/ tijde voirs(creven) daer de selve jan en(de) jan scade bij soude(n) lide(n) so is vurwerde dat de voirs(creven)/ jan hee(r) tot voelne hen dat afcorte(n) sal vand(er) hueri(n)ge(n) van sine(n) gelde voirscr(even) en(de)/ es vurw(er)de dat de voirs(creven) jan hee(r) tot voelne aen deen zijde en(de) jan van bolgry/ en(de) jan vande(n) putte aen dand(er) zijde by(n)nen den ierste(n) iiii jae(re)n vand(en) voirscr(even) t(er)mijne/ niet en sulle(n) mogen sceide(n) uut(er) voirs(creven) hueri(n)ge(n) maer oft e(n)nich van hen d(aer) na/ sceiden woude dat mach hij doen behoudelic dien dat de gheene die sal/ wille(n) sceide(n) den ande(re)n dat sal late(n) wete(n) opte(n) ierste(n) dach van octobri en(de)/ dan d(aer)na ten naeste(n) jae(re) wed(er)o(m)me sal moge(n) sceiden en(de) heeft geloeft de/ voirscr(even) jan hee(r) tot voelne den voirs(creven) janne van bolgry en(de) janne vanden putte/ vand(en) voirs(creven) hueri(n)ge(n) genoech te doe(n) en(de) jeg(en) eene(n) iegelike(n) recht warant te sijn de(n) voirs(creven)/ t(er)mijn due(re)nde cor(am) witt(eman) vync m(ar)tii vii/