Item vander aenspraken die jan de clerck gedaen heeft tot yweijne rampart sinen/ zwager die geleidt es totten goeden have en(de) erve claes van rode van rode/ bij dieste van eenen p(er)de en(de) eender coe die den voirs(creven) janne den clerc/ mids eenre deylinge(n) die de voirs(creven) yweyn en(de) jan h(ier) voertijts te zamen/ gemaect hadden vanden haefliken goeden die bleve(n) wae(re)n na de doot/ heylwige(n) wilen stocx die wijf was des voirs(creven) claes jeg(en) den/ voirs(creven) yweyne in sijnre deylingen gevallen wae(re)n also hij dede segge(n) en(de)/ boet te thoene(n) Daer af ten dage van thoenisse de vors(creven) jan de clerc thoende/ ond(er) den ande(re)n dat de voirs(creven) jan en(de) yweyn een deylinge gemaect hadde(n) en(de) dat den/ voirs(creven) janne in sijn deylinge jeg(en) den voirs(creven) yweyne gevalle(n) was de vors(creven) coe/ es tvo(n)nisse dat janne den clerc de have volge(n) sal die hij jeg(en) yweyne gedeilt heeft/ en(de) na dat de waerh(eit) gedrage(n) heeft cor(am) abs(oloens) borch(oven) keye(n)[o(g)e] py(n)noc hug(ar)d(en) langr(ode) vynke(n)bosch fe(bruarii) xix