Van herjanne sproefsts en(de) m(ar)ten den vriese/ Want biden rade der stat van loven comen es h(er) jan sproefsts p(er)soen tot ieteghem/ die na den rechte der stat van loven comen ende geleidt es tot allen den goeden have en(de)/ erve mertens svriesens vleeschouwers ende katlinen wilen vander lynden sijns wijfs/ moeder des voirs(creven) h(er)jans Opdoende dat de voirs(creven) m(ar)ten de vriese ende katline mids/ der onredelich(eden) des voirs(creven) mertens die also hij seide tsine met ande(re)n vrouwen doer sloech/ ende verteerde niet te samen sittende bij middele ende onderwise van vrienden aen/ beide den sijden ov(er)comen ende eens worden waren dat de gehuysschen voirs(creven) h(er)janne/ voirg(enoemt) tot hae(re) beider have ende erve souden doen leiden ende dat dan twee mudde(n)/ rox erflic vanden goeden die vander sijden d(er) voirs(creven) katlinen comen waren vercocht/ en(de) uuten selven beleide gegoedt souden weerden op alzulken vueghe dat de voirs(creven)/ m(ar)ten tgelt van dien tween mudden alleen heffen vueren en(de) na synen wille beke(re)n/ soude ende daer mede bliven en(de) gesloten sijn eewelic uuten goeden have ende erve/ die vander voirs(creven) katlinen weegen comen wae(re)n sond(er) in eenige(n) tiden toecomen(de)/ eenich recht oft aensprake meer oft vorder totten selven te hebben/ Bege(re)nde ende versuekende want tgheent des voirs(creven) es inder voirs(creven)/ weghen gesciet ende de voirs(creven) katline sijn moeder aflivich w(er)den wae(r) dat/ hem den voirs(creven) schout [beleit]br(ief) die noch ond(er) den clerc lage w(er)den en(de) volgen mochte
//
Ende de raet vander stat voirscr(even) op te voirs(creven) beg(er)te alsdoen verdroech ende/ sloet datmen den voirs(creven) marten bescriven soude opten dach van huden/ voer hen te comen o(m)me te aenhoe(re)n tversueck des voirs(creven) h(er)jans ende/ daer op te antwerden oft jegen te allige(re)n op dat hij meynde dat de/ voirs(creven) beleitbrief den voirs(creven) h(er)janne niet sculdich en wae(r) te volghen/ dwelc den selven m(ar)ten also gescr(even) en(de) vander stat beco(n)dicht es En(de) oec/ mede te kynnen gegeven op dat hij niet en qwame noch sinen dach/ verwachte dat men sonder langer vertreck den selven h(er)janne/ den voirs(creven) beleitbrief ov(er)geven soude met meer worden inden selven/ brieve beg(re)pen Daer de voirs(creven) m(ar)ten niet comen en es noch onschout/ gesonden en heeft den voirg(enoemde) h(er)janne opte voirs(creven) sijn yerste begeerte/ p(ro)cede(re)nde ende dat hem den voirs(creven) beleitbrief mids der reden(en) boven gealligeert/ w(er)den mochte ernstlic versueken(de) So heeft de raet vander stat van loven/ voirscr(even) de voirs(creven) zake ierst ripelic bedencken(e) ov(er)dragen en(de) gesloten dat de/ voirs(creven) beleitbrief den voirs(creven) h(er)janne ov(er)geg(even) sal werden o(m)me d(aer)mede te/ houden hantplichten en(de) hante(re)n alle de goede have en(de) erve der voirs(creven) gehuysche(n)/ also verre die comen sijn vander sijden der voirs(creven) katlinen vander lynden/ en(de) niet vorder p(rese)ntib(us) jacobo ex lye(min)[gen] franco(n)e willem(air) burg(i)mag(ist)ris jacobo/ pynnock walt(er)o cap(pelle)[man] hen(ri)[co] lyeminc et joh(ann)e de hazenb(er)ge con(ver)s? ac theo(logi)[co] de/ elzen hen(ri)[co] steymans et alijs secretar(ii) oct(obris) xxiiii anno xxxviii[vo]/