SAL8110, Act: V°339.2 (277 of 313)
Search Act
previous | next
Act V°339.2  
Act

Transcription

2014-08-24 by Jules Audiens
Item inden iersten een voerpoy hier zij ghescerrijt met twe doeren op elc eynde/
eene twe doerstile lanc xiiii voete xi dumen breet ix dicke twee platte stile x dume(n)/
breet v dume(n) dicke een plate xi dumen breet en(de) v dicke elc doere sijn dorpels/
dunderste x dume(n) breet v dicke doeverste dorpels viii dume(n) breet en(de) v dicke en(de)/
een calo(m)mene daer op der groetter vander anderen een strijchout daer op vii/
dumen hoghe en(de) vi dicke It(em) onder iii balcken xxix voeten langc luttel min/
oft meer den ene(n) balc xiiii dume(n) hoghe en(de) xii dicke en(de) dande(re) xii dume(n)/
hoghe en(de) xi dicke die brugge(n) iiii dume(n) breet en(de) iii(½) dicke op xi dume(n) na/
ghebruckt It(em) dit huys es wijt xxv voete de soli plate ix dume(n) breet en(de) iii dicke/
en(de) acht(er) desghelike It(em) iiii gebinde ii volle en(de) ii ydele gebinde It(em) deen vol/
gebint den want balct van vii dumen en(de) van vi sijn buyten stilen daer/
na volgende xii voete langc It(em) dande(r) stile wande en(de) rikelen al goet en(de)/
cusbaer naet profijt vanden werke It(em) dat ghebint op dander eynde des/
gelike voers(creven) It(em) de twe ydele gebinden daer de balken af groet sijn xii/
dumen hoghe en(de) xi dicke de stile xi dume(n) breet en(de) vii dicke de kerbeele/
daer na volgende It(em) de vorste want gerikelt g gebaut goet en(de) starck naet/
profijt vanden werke de vynsteren gescerrijt met haren gecraeghden/
rikelen alsoe vele alst behoeft vander ondersten staetgen opweert It(em) dechterste/
want gewracht goet en(de) cusbaer It(em) de wormen vi dume(n) virkant de/
rijtboeme(n) die(r)sgelike It(em) de scerstile vii dumme(n) dicke en(de) viii breet de sceerbalken/
daer na volgende met sine(n) welfhoute(n) also behoert It(em) een dobbel felliere v/
dume(n) groet vierkant It(em) de poetstile vi dume(n) groet sijn balken ende/
welfhouten daer na volgende It(em) de kepers iiii dume(n) breet en(de) iii(½) dicke/
en(de) opwert volgende wel ghehaenbalct terdende op de felliere It(em) dese/
cappe salme(n) binden met hazen rijtbome(n) bande(n) en(de) fellierbande(n) wel en(de)/
cusberleec naet p(ro)fijt vanden werke It(em) int voerpoy xii carbele onder/
de bruggen wel en(de) werchlijc staende en(de) gelevert al goet eyken hout/
It(em) dese cappe salme(n) bedalen dat den sceerbalck liggen sal viii voete/
hoge vanden ande(re)n balke en(de) gekepert op xi dume(n) na allet tvoers(creven)/
werc hebben geloeft jan donpriet henr(ick) van hockersele en(de) denijs vand(er)/
mollen ind(ivisim) voers(creven) janne van thuynen ind(er) mate(n) voers(creven) wel en(de) cusbaerlijc/
te maken en(de) dat op gericht op sijn plaetse en(de) hofstat te leve(re)n tussche(n)/
dit en(de) sinte jans messe naestcomen(de) oft viii daghe daer na onbegrepe(n)/
te sine pynnock hugaerden vynckenbosch maii xviii/
Contributorskristiaan magnus
Moderated bykristiaan magnus
Last update: 2012-09-04 by Sabrina Keyaerts