want he lodewijc de rike en(de) woute(re) van bonne anderwile op ja(n)nes/ came(re) vanden kerchove comen sijnde o(m)me te hebben ii scepen(en) brieve/ den eene(n) van vii mudden rox lijfpensien en(de) den ande(re)n van eene(n)/ mudde(n) d(aer) inne h(er)jan de rike sijn heffen hadde Welke brieven/ den vorsc(reven) lod(ewijc) geseeght wae(re)n geg(even) te w(er)den ond(er) den ande(re)n/ eens w(er)den mids dat de voirs(creven) wout(er) geloeflic lod(ewijc) toesende/ dat vanden eene(n) mudde egheen gelt en wae(re) geg(even) datme(n)/ den voirs(creven) brief schoren en(de) te nieute doen soude alsoemen dede/ en(de) desen een lange wile leden sijnde de voirs(creven) lod(ewijc) vanden voirs(creven) h(er)janne verstont dat de voirs(creven) wout(er) tgelt vanden/ mudde voirs(creven) van hem gehave(n) hadde daer inne de voirs(creven) lod(ewijc)/ die den brief h(er)janne niet geleve(re)n en conste ze(re) begangen/ was So heeft de raet vand(er) stat geconsenteert datme(n)/ den voirs(creven) lod(ewijcken) vanden voirs(creven) mudde wed(er) eene(n) brief geve(n)/ sal en(de) maken Behoudelic dien oftmen namaels bevonde/ dat wout(er) van bonne [noch negeen vand(en) sculd(er)s d(aer) inne genoemt] tgelt d(aer)af niet gehave(n) en hadde/ dat hij den selve(n) brief wed(er)bringen soude ond(er) de stat tott(er)/ sculde(re)n behoef en(de) de selve sculde(re)n ontlasten vand(en) scade/ oft sij eenige tonrechte uut ocsuyn des briefs gehadt hadde(n)/ cor(am) lye(mingh)[en] burg(imagistro) et p(ro) plu(r)ib(us) al(iis) junii xiii/