It(em) want jan he(er) van tylhe gielijs wile(n) van bouleer goubeert vander/ houche(re)n arnt jehannart dirc vander rousie(re)n en(de) jan dachet voe(r)/ scepen(en) van loven bekent hadden henricke torf en(de) katline(n) sinen/ wive iiii gulden cronen vrancr(ijcks) goet van goude en(de) zwaer van gewichte/ lijfpensien te wete(n) tot elx live twee d(er) selv(er) crone(n) die de voirs(creven) sculders/ lossen mochten te weten elken pe(n)nync met x gelike(n) pe(n)nige(n) ind(er) mate(n)/ de scepen(en) brieve d(aer)op gemaect dat inhouden En(de) de voirs(creven) henric/ torf eer hij tott(er) betalinghen der voirs(creven) afleggen oft bewijsenissen/ der voirs(creven) lijfpe(n)sien heeft conne(n) geraken hem van noots weeghe(n)/ met meye(r) en(de) scepen(en) van loven heeft doen leiden tot allen den goeden/ have ende erve arnts jehannart voirs(creven) also de scepen(en) brieve/ van loven(en) daer op gemaect cleerlic beg(ri)pen welke hanteringhen/ tot g(ro)ten costen eer die t(er) uutdracht bracht werden gerese(n) Also dat/ bleeck en(de) gheschene(n) heeft inder reeckeninghen die de voirs(creven) henric/ daer af den voirs(creven) janne van tylhy en(de) arnde gedaen heeft So/ eest dat de voirscreven jan he(re) tot tylhe(n) en(de) arnt jeha(n)nart in jegen(woirdicheit) der/ scepen(en) van loven gestae(n) hebben bekynt dat tgheene des de/ voirs(creven) henrick ind(en) voirs(creven) zaken aengaende der lijftochte(n) voirg(enoemt) gedae(n)/ heeft wael getruwelic hoedanich dat sijn en(de) de reeckeninghe/ die hij hen d(aer)af gedaen heeft wael getruwelic en(de) dueghdentlic/ gesciet ende gedaen es dat geheelic en(de) all van weerden en(de)/ rechte houden(de) en(de) hebben En(de) geloven(de) den selve henricke sijn goede/ noch erfgename(n) vanden voirs(creven) zaken reeckeni(n)gen noch eenighen/ ande(re)n dinghen dien e(n)nichssins aencleve(re)n bij hen selve(n) noch/ nyeman(de) and(er)s nu(m)mermeer bynne(n) lants noch d(aer) bute(n) in e(n)nige(n)/ gerichte geestelic noch weerlic aentespreke(n) te moeye(n) quelle(n) vexe(re)n/ in gheenrewijs alle(n) argelist h(ier) inne uutgesceide(n) abs(oloens) borch(oven) oct(obris) xviii
//