Item want stoet en(de) tebat opv(er)staen wae(re)n tuschen janne en(de)/ goessen van belane(n) gebruede(re) wonen(de) inde p(ro)chie van s(en)te aeg(hten)/ rode van zeke(re)n goeden chijnsen en(de) renten die hen bleve(n) sijn (van)/ hue(re)n vader en(de) moeder En(de) sij hen d(aer)af en(de) van allen ande(re)n/ zaken van geschille die sij met malcande(re)n tot op huden/ uutstaende hebben gehadt gesubmitteert hadden en(de) verbond(en)/ in segge(re)n en(de) vruntlike yffene(re)n te weten in henricke vand(en)/ beecken vrancke(n) van dieve(n) en(de) janne van belane(n) op zulke(r)/ vuege dat de voirs(creven) segge(re) hue(re) uutsprake tusche(n) den voirs(creven)/ gebruede(re)n bynnen drie dagen neestcomen(de) vanden voirs(creven) twiste/ voe(r) scepen(en) van loven(en) uutspreken soude(n) So eest dat de selve/ seggers des opten dach van huden come(n) sijn voe(r) scep(enen) van lov(en)
//
h(ier)na genoempt en(de) hebben hue(re) uutsprake vanden voirs(creven) twiste/ eendrechtelic gedaen ind(er) vuegen also h(ier)na volght Te wete(n)/ dat de voirs(creven) jan van belane(n) hebben en(de) erflic behoude(n)/ sal sijn kynsgedeelte in vi capuyne(n) erfchijns die van sijnre/ moed(er) sijden come(n) sijn En(de) dat de selve jan met goessen(e)/ sine(n) brueder den gheene(n) dient den voirs(creven) goessen gelieve(n)/ sall guedi(n)ge doen sal van allen den rechte en(de) gedeelte/ dat hij heeft in allen den ande(re)n onberuerleecke(n) goede(n) vand(er)/ voirs(creven) sine(n) vader en(de) moeder tot opten dach van huden/ versterve(n) En(de) des sal de voirs(creven) goessen den selve janne/ sine(n) brueder also schie(re) als de vors(creven) gued(inge) gesciet/ geve(n) iii gulden rid(er)s die hij hem vande(n) coepe van/ sine(n) gedeelte sculdich bleef en(de) d(aer)toe iii saluyte ofte de/ werde d(aer)af in ande(re)n goede(n) gelde Welc segge(n) voirs(creven)/ de voirs(creven) p(ar)tijen geloeft hebben vast en(de) gestedich te houde(n)/ en(de) dat malcande(re)n volcomelic te voldoen sond(er) deen den/ ande(re)n dae(re)n bove(n) te moeye(n) oft vexe(re)n voe(r) e(n)nich gerecht/ geestelic oft weerlic in e(n)nig(er) wijs lomb(ar)t abs(oloens) dec(embris) vii