Alse van alsulken stote als opv(er)staen was tussche(n) heylwigen/ die wijf was jans wilen le fevre in deen zijde en(de) janne/ de smet van pellenberch in dande(r) van alsulke(n) scouden/ hoedanich die sijn moge(n) inden welke(n) de voirs(creven) jan de smet/ ten voirs(creven) wilen janne gehouden sijn mochte hebben hen de/ voirs(creven) p(ar)tijen te weten de voirs(creven) heilwich met (con)sente jans/ ... ... die mids machte van zeke(re)n scepen(en) brieve(n)/ van loven tot hue(re)n haeflike(n) goede(n) geleit es des
//
gekeert in seggers en(de) gesubmitteert in segge(re)n en(de) vruntlic yffene(re)n/ te weten de voirs(creven) vrouwe in lodewijke(n) van oppe(n)dorp ende/ janne de wale scoemakers en(de) de voirs(creven) jan de smet in clase van/ sente guerix natuerlic en(de) vrancke(n) oege in des(er) vuege(n) dat/ de voirs(creven) seggers elker p(ar)tijen besceit aengehoert huer uut/ sprake daer af eendrechtelic segge(n) en(de) p(ro)nu(n)cie(re)n sulle(n) tusschen/ dit en(de) in sat(er)dage naestcomen(de) met sulk(er) vurwerde(n) wairt/ also dat e(n)nige vande(n) voirs(creven) p(ar)tije(n) sinen segge(n) gebrake dat/ hij inde stat ene(n) gelike(n) neme(n) mach sond(er) argelist gelovende/ beide de voirs(creven) p(ar)tije(n) vast en(de) gestendich te houde(n) pynnoc/ opp(endorp) junii xxvii/