It(em) willem coesman van nederyssche es come(n) in jeg(enwordicheit) der scepen(en)/ van loeven en(de) heeft genomen en(de) bekent dat hij genome(n) heeft/ van henr(icke) mynneman de goede h(ier) ond(er) bescr(even) Inden iersten ii/ boend(er) beslotens beempts luttel min oft meer geleg(en) inde p(ro)chie/ van s(in)te aeght ten rode tussche(n) de goede henrix vande(n) vekene en(de)/ tgemeyn broeck [ald(aer)] It(em) iii(½) dach(mael) beempts geleg(en) te ned(er)ijssche/ int gemeyn broeck tussche(n) den beemde goede d(er) kerke(n) van ned(er)ijsce/ en(de) de goede d(er) kynde(re)n vand(er) meere(n) It(em) i(½) dach(mael) beempts/ geleg(en) te ned(er)ijssche tussche(n) de goede jans ve henrix vand(er)/ meere(n) en(de) de goede jans vand(er) borch It(em) noch i(½) dach(mael) beempts/ geleg(en) te ned(er)ijssche [ald(aer) neve(n)] tussche(n) de leidegrecht [ald(aer)] en(de) de goede jans/ vand(er) borch It(em) (½) boend(er) beempts geleg(en) ald(aer) neve(n) tussche(n)/ de goede jans alarts en(de) de walsche beemde ald(aer) op dand(er) zijde/ Te houden te hebben en(de) te wynne(n) van halfmerte lestlede(n)/ ene(n) t(er)mijn van vii jaren langc deen nae dand(er) sond(er) middel volg(end)/ elx jaers dae(re)n binne(n) o(m)me en(de) voe(r) xxii guld(en) pe(n)ni(n)g(en)/ gehete(n) eemsche? scilde d(er) mu(n)te(n) h(er)toge ph(ilip)s van bour(goignen) (...)/ van brabant (...)/(...)
//
dat de vors(creven) wynne allen den loeck houden sal vande(n) vors(creven) goede(n)/ comen(de) houwe(n) sal en(de) d(aer)mede sal de vors(creven) wynne goede v(er)make(n)/ It(em) es noch vurwerde dat de vors(creven) wynne de alle douwe/ willigen(n) opde vors(creven) goede staende af mach houden en(de) van elke/houde(n) oude willige sal hij sette(n) ii levende poete(n) It(em) es noch/ vurwerde dat de voirs(creven) wynne dese voirs(creven) beemde ten leste(n)/ jare van sijne(n) afsceiden vermaict sal late(n) ten goede(n) cnape(n) prijse/ En(de) alle dese vurw(er)de(n) e(t)c(etera) vynck prijke(re) sept(embris) p(ri)m[a]