Want henric gielkens die nae den rechte d(er) stad van loeven/ gegoet en(de) come(n) es tot alle(n) den goede(n) h(ere)n lambrechts wijle(n) vand(er)/ eycken priest(er)s welc h(er) lambrecht van voe(r) en(de) een gegoet ende/ geerft was in seke(re) goede die wa(r)en wout(er)s braecmans van dyest/ ende ond(er) den ande(re)n inde goede hier nae bescreve(n) Te weten in eene(n)/ stucke bosch geleg(en) bijde heystrate tussche(n) de goede(n) yden haet(er)beex/ en(de) hue(re) kinde(re) en(de) de selve strate It(em) eene(n) stucke drieschs/ geleg(en) tussche(n) dbosch gheerds van lynthe(re) verwers en(de) de strate/ voirs(creven) It(em) noch in eene(n) stucke drieschs geleg(en) neve(n) dbosch/ geheete(n) tsaeldevelt opde(n) dach van hede(n) hadde doen inne/(...) weyne rampart die nae den rechte d(er) stad van/ loeve(n) (...) geerft es inde helicht van alle den
//
goede(n) die wa(r)en jans stoc van beckevoirt En(de) want de/ selve henric gielkens te sinen dage niet en quam Soe / hebbe(n) de he(re)n scepen(en) van love(n) t(er) manisse(n) smeyers gewijst/ voe(r) een vo(n)nisse soe waer de voirs(creven) henric gielkens niet/ en quame ten opstane tsmeyers en(de) d(er) scepen(en) datmen den/ voirs(creven) weyne rampart vand(er) helicht vande(n) voirs(creven) goeden/ houde(n) sal in sine(n) beleide alsoe verre alst noch voe(r) hen/ comen was cor(am) eisd(em)