Item alse vande(n) vors(creven) beleyde es tusschen den vors(creven) henr(icke) in deen zijde en(de) henr(icke) vand(er) strate(n) gehete(n) pijlis(er)/ in dande(re) clarlijck ondersproke(n) dat tselve beleydt ond(er) scepen(en) sal blijve(n) liggende in des(er) vuegen/ dat hem de vors(creven) henrick colve d(aer) mede niet voird(er) en sal moghen behulpen dan t te verreyke(n)/ en(de) betalingen jarlijx te gecrigen aen en(de) op de vors(creven) goede(n) van drie gul(den) pet(er)s d(er) mu(n)ten ons gened(ichs)/ h(ere)n des h(er)togen van bourg(oign)[en] en(de) van brabant erflijke renten renten alle jare te s(en)[te] m(er)tensmisse/ te ghelden behoudelijc dien dat de vors(creven) henr(ic) vand(er) straten de vors(creven) drie gul(den) peters quite(n) ende/ lossen mach tallen tijde(n) en(de) scoude(n) alst hem des best gelieve(n) sal tene(n) male met lx gul(den) peters/ d(er) mu(n)ten vors(creven) en(de) alt(oes) met volle(n) rente(n) en(de) oft also geburde dat de vors(creven) henr(ic) vand(er) straten/ ten vors(creven) henr(icke) colve w(er)t d(aer) af in e(n)nige(r) manieren in gebreke wae(re) en(de) hem de vors(creven) drie gul(den)/ peters ten vors(creven) dage(n) niet en vernueghde en(de) en contenteerde soe mach dan de vors(creven) henr(ic)/ colve hem metten vors(creven) beleyde behulpen en(de) op de vors(creven) goede nad(er) stad recht voirtwaren? / tot vervallingen toe van tghene dat hij d(aer) af ingebreke wae(re) en(de) niet vord(er) te gecrigen / en(de) so wanneer dat de vors(creven) henr(ic) vander straten de vors(creven) drie gul(den) pet(er)s af / geleet sal hebben dan sullen de vors(creven) br(ieven) den vors(creven) henr(ic) vand(er) straten volgen ene(n)/...
//
en(de) niet eer pynnock voshem dec(embris) xix het en cost in dande(re) blat niet gestaen/