Cond zij allen lieden dat goessen goescen de verste(r)? wonen(de) te cortelke in/ jeg(enwwoirdicheit) der scepene(n) van loeven gestaen heeft genome(n) en(de) bekint dat hij/ genomen heeft van janne van maerbeke geheten gielijs sijn hof/ gelegen te lovenjoel metten huysen hoven wynde(n) wynne(n)de(n) landen/ beemde(n) eusselen en(de) metten bog(ar)de voir tvors(creven) hof gelegen te/ houde(n) te hebben en(de) te wynnen van half meerte neestcomen(de) [dat was int jair xiiii[c] xlii] eene(n)/ t(er)mijn van ix jae(re)n langc duerende deen nae dander sonder/ middel volgen(de) elx jaers dae(re)n bynnen te weten de vors(creven) lande/ t(er)helcht en(de) de vors(creven) beemde en(de) eussele o(m)me en(de) voe(r) xxv/ holl(andse) guld(en) alle jae(re) s(in)[te] m(er)tensmisse te betalen It(em) es vurwerde dat/ de vors(creven) wynne de vors(creven) goede wel en(de) loflic wynnen en(de) w(er)ven/sal [en(de) desgelijx de selve beheyme(n) en(de) bevred(en)] gelijc sijnen reengenoten boven en(de) beneden It(em) sal de vors(creven) wynne/ jarlix des vors(creven) jans gedeelte ierstwerf int schue(re) doen eer hijt/ sijne sal mogen rue(re)n en(de) alst tcoren ald(aer) gedorschen sal sijn so sal/ de vors(creven) wynne op sijnen cost den vors(creven) janne des vors(creven) jans/ gedeelte [hem] te loeven tot sijnen huyse leve(re)n en(de) alsmen ald(aer) tcoren/ den vors(creven) janne toebeh(orende) derschen sal so sal de vors(creven) wynne den/ dersche(r) den montcost geven en(de) jan sal d(aer) af de dachue(re)n betalen bij/ also dat de vors(creven) wynne jan den wynne de crinsen laet/ en(de) eest dat de vors(creven) jan de crinsen selve behult so sal hij selve/ den dersche(r) den montcost geven en(de) alt(oes) sal hij de dachue(re)n betal(en)/ It(em) sal de vors(creven) wynne de huysinge houde(n) op sijne(n) vand(er) ond(er)ster/ rikelen ned(er)wert op sijne en(de) alsme(n) aende vors(creven) huysinge iet werct/ dect oft plect van outs d(aer) af sal de vors(creven) wynne den wercluden den/ montcost geven en(de) jan sal de dachue(re)n bet(alen) en(de) alsme(n) ald(aer) iet/ werct dect oft plect van nouts d(aer) af sal jan de dachue(re)n bet(alen)/ en(de) desgelijx den wercluden den montcost geven It(em) noch sal/ de vors(creven) wynne jarlix den vors(creven) t(er)mijn due(re)nde den vors(creven) ja(n)ne/ leve(re)n xxv walmen stroes o(m)me de huysinge ald(aer) mede/ te decken It(em) sullen de vors(creven) wynne en(de) jan dooft jarlix inden/ vors(creven) bog(ar)t wassende half en(de) half deilen en(de) de vors(creven) wynne
//
sal des vors(creven) jans gedeelte jairlix op sijnen cost te loeve(n) tot sijne(n) huyse/ leve(re)n en(de) de vors(creven) wynne en sal inde(n) selve(n) [in egenen] bog(ar)t ne(m)mer [meer] rechts hebbe(n)/ Noch sal de vors(creven) wynne den vors(creven) wynne [ja(n)ne] jairlix doen vi/ carweyen met sijne(n) wagen en(de) p(er)den d(aer)t den vors(creven) ja(n)ne best gelieven/ sal en(de) elc carweye van eene(n) dage boven dien sal nochta(n) de/ vors(creven) wynne des vors(creven) jans wijn jairlix te loeven tot sijnen huyse/ leve(re)n It(em) sulle(n) de vors(creven) wynne en(de) jan jarlix te samen copen xxiiii/ mandelen stroes d(aer) af sal de vors(creven) jan de xvi bet(alen) en(de) de wynne/ de viii It(em) sal de vors(creven) wynne den vors(creven) ja(n)ne houden jarlix/ ii verkene gelijc den sijnen [noch sal de vors(creven) wynne den vors(creven) ja(n)ne jairlix den vors(creven) t(er)mijn due(re)nde houden sal van hondert scapen ter helcht wel en(de) loflic herden een hond(er)t scapen t(er) helcht] Noch sal de vors(creven) wynne jairlix/ vande(n) vors(creven) goeden besayen v dach(mael) en(de) (½) boend(er) lants dats te/ weten de v dach(mael) d(aer) af met crocken en(de) thalf boend(er) met/ rapen en(de) al t(er) helcht Noch sal de vors(creven) wynne den vors(creven)/ janne wynnen een dach(mael) lants op iiii getidege voren o(m)me/ d(aer) op rogge te sayen en(de) een dach(mael) op ii voren om zomer coren/ op te sayen sond(er) iet d(aer) af te hebben It(em) sal de vors(creven) wynne/ dese vors(creven) goede ten eynde van sijnen vors(creven) t(er)mijne also laten/ gelijc hij die aenvert heeft dats te weten den wynt(er) aert/ op iiii voren besayt wel en(de) loflic de storte en(de) de brake/ o(m)me gedaen en(de) mest opt velt vue(re)n [It(em)] It(em) noch sal de vors(creven)/

wynne de vors(creven) goede beheymen en(de) bevreden gelijc reeng(enoten)/

boven en(de) beneden Noch es vurwerde dat de vors(creven) jan den/ vors(creven) wynne alle ii jaren geven sal v ellen lakens teenen/ tabbarde It(em) noch es vurwerde want de vors(creven) wynne den zom(er) aert/ vande(n) vors(creven) goede(n) te sijne(n) aencomen wel en(de) loflic besayt vynt/ met zom(er)coerne so es vurwerde dat de selve [wynne] dien ind(er) selv(er)/ mate(n) te sijne(n) afsceide(n) [also] laten sal oft den vors(creven) ja(n)ne d(aer) voe(r) geven/ xx holl(andse) guld(en) dwelc den vors(creven) wynne van beds best gelieve(n) sal/ It(em) noch es vurwerde so wa(n)neer de masscape uuten [vors(creven)] scapen gedaen/ sullen sijn dan sal de vors(creven) wynne die gelijc den sijnen doen hueden/ inde bloeke tot s(en)[te] m(er)tensmisse toe en(de) alle dese vurwerden/(et)c(etera) rike willem(air) maii xi
//