Tvors(creven) beleyt sal blive(n) liggen(de) onder scepen(en) van loeven(en) te dier meynynge(n)/ oft geviele dat de voirs(creven) claes die jege(n) de selve gesuste(re) gecregen heeft/ huys en(de) hof met sijnder toebehoirte(n) gelege(n) neve(n) derve des voirs(creven) claes/ inde craeshofstrate gelijc hij vanden selve(n) gesuste(re)n gued(inge) en(de) vestich(eit)/ ontfange(n) heeft mette(n) rechte verloe(re) oft ter waerh(eit) bewisen conste/ dat lijsbette suster der voirs(creven) suste(re)n oft huer wettich erfgenamen/ noch leefde en(de) sij dan terdendeel vanden voirs(creven) erve want huer van/ hue(re)n vader verstorve(n) soude wesen hebben woude dat de voirs(creven) claes/ alsdan in dien gewalle gevalle metten selve(n) beleyde aende have/ der voirs(creven) gesuste(re)n die scaede die hij vanden derde(n)deele der voirs(creven)/ goede hebben mochte vereyken en(de) verhalen soude en(de) hem/ daer met behulpe(n) Ende alsoe schie(r) de voirs(creven) gesuste(re) t(er) weteg(er)
//
waerh(eit) bewisen co(n)ne(n) dat de voirs(creven) lijsbeth huer zuster sonder wettege/ gebuerte acht(er) te late(n) gestorven es so sal hen t(er) stont dan huer voirs(creven)/ beleyt wed(er)werden coram eisdem/