Tvonnisse tusschen amelrike pynnock mathijse h(er)dans en(de) raese den rijke(n)/ die nae den rechte der stad van loven(e) comen en(de) geleit sijn totten goede(n) beide/ have en(de) erve jans wile(n) vand(er) coevoert in deen zijde en(de) henr(ix) van pud/ deghem van haeght in dande(re) Alse van xxv gulden(en) hollansche ende/ tween ame(n) wijns lijfpensie(n) jarlix de welke jouffr(ouwe) m(ar)griete die wijf/ es des vors(creven) henr(ix) van puddeghem vercrege(n) hadde op ii stucken/ beempts neven een gelegen tarschot acht(er) dbegijnhof ald(aer) tussche(n) de/ vii dach(mael) beempts des he(re)n van arschot en(de) de goede d(er) kinde(re)n vande(n)/ hellegate gelijc de scepen(en) brieve van arschot die d(aer) op inde(n) rechte/ gelesen wa(r)en dat claerlijker uutwijsden meynen(de) nae inhebben/ der selv(er) scepen(en) brieve van arschot en(de) nae tvolgen dat hij opden vors(creven) gront/ voe(r) tgebreck der voirs(creven) lijfpensien gevolght ende gepant hadde/ dat hij voert mette(n) rechte volge(n) soude ter plaetsen daer hij bego(n)ne(n)/ hadde oft dat hem vand(er) vors(creven) lijfpensie(n) sijn hant volvult soude/ wesen gemerct dat hij oec vele van sine(n) erve mids der voirs(creven) co/ mescap die jan wilen vand(er) coevoert jege(n) he(m) gedae(n) hadde ter dobbeld(er)/ lijftocht dede d(aer) voe(r) hem de vors(creven) rente toebehoirt niet derven/ en soude en(de) des was hij wael getroest totte(n) rechte Daer op de/ voirs(creven) iii geleide oft de so(m)mege(n) va(n) hen vand(er) and(er) wege(n) die huer/ medegeselle(n) h(ier) inne geloefde(n) te vervaen met hue(re)n geleide(n) gele/ verde(n) voirspreke deden andwerde(n) en(de) segge(n) dat sij de vors(creven) aen/ sprake wael verstaen hadde(n) en(de) oic de vors(creven) scepen(en) brieve(n) die ald(aer)/ vand(er) vors(creven) lijfpensie(n) gelesen wa(r)en Daer af sij hen aen gode en(de)/ huer goet recht bedancten dat de vors(creven) guedinge nergens dan mette(n)/ scepen(en) van arschot gedae(n) en was want het waer waer dat/ dmeestedeel vande(n) vors(creven) tween stucke(n) beempts gehoude(n) was in groete(n)/ deele(n) van ande(re)n gronthe(re)n d(aer) met si op en(de) af ginghe(n) en(de) bide(n) welke(n)/ als sij v(er)tiert werde(n) die gegoet ende sculdich wa(r)en gederft en(de) geerft/ te sine te wete(n) vand(er) heerscap van scoenhove(n) tot aerschot een boend(er)/ beempts gelege(n) tarschot acht(er) dbegijnhof opde deme(r) ald(aer) tusschen/ she(re)n vii dach(mael) van arschot vande(n) h(er)scap van scoenhove(n) i boend(er)/ beempts gelege(n) naest den vorg(enoemde) goede(n) tusschen de deme(r) en(de) de goede/ gielijs lyevinc vande(n) jonch(e)r van witham (½) boend(er) beempts
//
gelege(n) tussche(n) de goede gielijs lyevinck en(de) dat de vors(creven) goede vande(n) voirs(creven) drien h(er)scapen in erfdom gehoude(n) wa(r)en en(de) bij hen en(de) hue(re)n hove en(de) late(n)/ op en(de) afginge(n) ind(er) manie(re)n gelijc voirs(creven) steet en(de) oec dat dese drie plecke(n)/ de selve drie plecke(n) sijn die de brieve des vors(creven) henrix va(n) puddeghe(m)/ beg(ri)pe(n) dat bode(n) de voirs(creven) drie geleide(n) te thoene(n) met vynders vande(n) hove/ oft met alsulk(er) conde(n) als hen de wairh(eit) d(aer) af drage(n) soude hoepte(n) en(de)/ meynde(n) waer sij dat gethoene(n) conste(n) nae dien dat de vorscr(even)/ hanteri(n)ghe d(aer) de voirs(creven) henr(ic) gevolght hadde met rechte niet/ gehandelt en es gemerct dat de pande die opde(n) voirscr(even) gront/ gepant wa(r)en met rechte niet geutent en wa(r)en dat henm die/ vorderinghe geen ontstade doen en soude en(de) dies geliefde hen wael/ tvonnisse Nae aensprake v(er)antwerde(n) en(de) thonisse van beide(n) p(ar)tije(n)/ voirs(creven) die he(re)n scepen(en) van loven(e) gemae(n)t vande(n) meye(e) wijsde(n)/ de voirs(creven) p(ar)tije(n) elke(n) van hen tot hue(re)n bethoene Tot welke(n) daghe/ de voirs(creven) henr(ic) van puddeghe(m) he(m) pijnde te thoene(n) met scepen(en)/ van arschot dat de twee stucke(n) beempts die henr(icx) van pud/ deghe(m) brieve beg(ri)pe(n) gehoude(n) worde(n) tsijslijc vande(n) hee(re) van/ arschot en(de) dat henr(ic) voirs(creven) d(aer) op gevolght hadde met alle/ poente(n) van rechte tot opde vierde genechte des hij niet en volqua(m)/ Mer de voirs(creven) drie p(er)soene(n) thoenden mette(n) vinders vande(n) hove/ ende elke(n) van hen ond(er) tsijne datmen de p(ar)cele(n) vande(n) voirs(creven)/ goeden hielde in erfdo(m)me vande(n) heerscape(n) gelijc vo(r)e v(er)cleert/ steet ende dat sij daer met gegoedt worden en(de) op en(de) af/ ginghe(n) met meer poente(n) die sij ald(aer) oec thoenden die oec/ inden meestendeele int recht come(n) wa(r)en Hoepte(n) alsoe doen/ nae den cle(re)n thonisse dat sij geleyt hadde(n) en(de) nae dat de/ voirs(creven) henr(ic) negheenssins gethoent en hadde dat de voirs(creven)/ henr(ic) van puddeghe(m) gehandelt hadde thoy dat opde(n) vors(creven)/ beemde gepandt was met rechte en(de) geutent bynne(n) genechte(n)/ alsoet behoerde dat hen dat volghe(n) gheen ontstade doen/ en soude dat henric voirscr(even) daer met verdoelt was/ en(de) des geliefde hen wael tvonnisse de voirscr(even) henr(ic)
//
alligeerde d(aer) op en(de) meynde nae die(n) dat he(m) de vors(creven) guedi(n)ghe ind(er)/ vors(creven) manie(re)n geschiet was van ja(n)ne vand(er) coevoert die de brieve beke(n)t/ hadde en(de) hij sijnd(er) goede d(aer) met en(de) quijt was dat hij in dese(n) niet/ bedroge(n) sijn en soude m(er) voirtva(r)en opden gront d(aer) hij begonne(n) hadde/ en(de) des geliefde hem wael tvonnisse Alsoe dat ten uut(er)sten de h(ere)n/ scepen(en) van loven(e) gemaent vande(n) meye(re) wijsde(n) voir een vo(n)nisse/ te voe(re)n opde voirs(creven) materie deliberacie gehadt nae aensprake/ v(er)antwerde(n) ende thonisse van beide(n) p(ar)tijen dat tvolgen dat/ de voirscr(even) henric op dese goede gevolght hadde niet gehan/ teert en was als recht P(rese)ntibus om(n)ibus scabinis de(m)ptis/ pynnoc voshem septembr(is) xxiiii