It(em) henr(ic) soen jans wilen henry van jauchelet in jeg(enwoirdicheit) d(er) scepen(en) van lov(en) h(ier)nae/ genoempt heeft aenveert en(de) aengenome(n) de momborien lodewijx jans henr(ix)/ en(de) reyners kynde(re)n reynchons wilen jauchelet ond(er) hue(r) daege wesende/ omme de selve kyndere en(de) hue(r) goede bleve(n) na de doet des vors(creven) reyners/ huers vad(er)s brued(er)s des selfs henr(ix) wel en(de) getrouwelijc te regeren en(de) ten/ orber en(de) meesten p(ro)fijte der selv(er) kynde(re)n die ten hoeghsten te bringen/ geloven(de) de selve henr(ic) den vors(creven) kynde(re)n oft hue(re)n vriende(n) inden name/ van hen tot hue(re)n [hue(re)r] meynissen vand(er) vors(creven) mombornien en(de) hanteringen d(er)/ selv(er) goede(n) also verre als hij die aenveert en(de) gehanteert heeft/ altijt goede rekenyngen en(de) bewijs te doen tallen plaetsen en(de) stonde(n)/ het sij vore de wet d(aer) dat behoirt oft elswair alsoe dat dat de(n) selve(n)/ kynde(re) oft hue(re)n vrienden des bellix d(aer) af content en(de) te vreden sijn/ moghe cor(am) voshem dor(mae)[le] januar(ii) penult(ima)