It(em) van alsulke(n) stote als opv(er)staen was tussche(n) meest(ere)n thomase van wynge/ en(de) henr(icke) meys van huldenberghe in dande(r) alse van ii mudde(n) rox die/ eens voir welke(n) rogge de vors(creven) meest(er) thomas [zeke(re)] pande vande(n) vorscr(even)/ henr(icke) in hande(n) gesedt sijn hebbe(n) hen de vors(creven) p(ar)tije(n) vanden vors(creven) stote / en(de) van tgeen dat d(aer) aen cleve(n) mach gesubmitteert en(de) gekeert in/ vriendlic yffene(re)n te wete(n) de vors(creven) meest(er) thomaes in laur(eyse) van/ wynge en(de) lod(ewijcke) merx en(de) de vors(creven) henr(ic) [in] pete(re)n van breyne en(de)/ in ja(n)ne van udekem voirsprake bij also dat de vors(creven) iiii segg(er)s/ yerst van beiden p(ar)tijen besceide volc(omelic) geinformeert sijnde huer/ uutsprake d(aer) af eendrechticlic seggen en(de) p(ro)nu(n)cie(re)n sullen tusscen/ dit en(de) sat(er)d(aegs) neestcomen(de) mett(er) sonnen en(de) op dats de vors(creven) iiii/ segg(er)s niet eens en connen geworden so sulle(n) sij t(er) stont nemen en(de)/ kiesen eenen ov(er)man de welke vanden vors(creven) iiii segg(er)s vanden/ vors(creven) stote geinformeert sijnde sijn seggen en(de) uutsprake d(aer) af/ seggen sal des and(er) daegs mett(er) sonnen gelovende vast et(cetera) absoloens dormale/ junii xxvii