SAL8116, Act: R°220.1 (252 of 318)
Search Act
previous | next
Act R°220.1  
Act
Date: 1445-04-19

Transcription

2021-01-25 by kristiaan magnus
It(em) willem vanden velde wonen(de) te werchte(re) in jeg(ewordicheiden) d(er) scepen(en) van loven(en)/
gestaen heeft genome(n) en(de) bekint gehuert en(de) bekint dat hij gehuert heeft jege(n)/
h(ere)n emonde van emichove(n) hee(re) van chantrain een beslote(n) eeussel geheten/
den sluysdonck gelijc dat gelege(n) is te veldonc inde(n) sluysdonck te werchte(re)/
gelege(n) tussce(n) de goede arnds vande(n) velde in beide zijde(n) Te houde(n) en(de) te/
hebbe(n) van s(in)te jansmisse dat was int jair ons h(ere)n duysent vierhond(er)t/
xlii eene(n) t(er)mijn van vi jae(re)n langc due(re)nde deen nae dand(er) sond(er) middel/
volgen(de) elx jaers hie(re)n binne(n) o(m)me [en(de) voe(r)] xix g(ri)pen Te wete(n) xl pl(a)c(ken)/
voir elc g(ri)pe gereke(n)t alle jae(re) s(in)[te] jansmisse bap(tis)[ten] te bet(alen) den/
vors(creven) h(ere)n ernoude en(de) reyne(re)n vande(n) hovelde oft den eene(n) van hen/
den vors(creven) t(er)mijn due(re)nde en(de) telke(n) t(er)mijne als v(er)volghde schout/
ov(er)winghe lint(re) april(is) xix
ContributorsChris Picard
Moderated bykristiaan magnus
Last update: 2016-03-18 by kristiaan magnus