Vanden heilegeestmeest(ere)n van meld(er)t/ Tvonnisse tusschen wille(m)me de heelt en(de) wille(m)me crassart als/ heilegeestmeest(ere)n van meld(er)t in deen zijde en(de) meest(er) gielise vand(er)/ stoct secretar(is) d(er) stad van loven(en) die nae d(er) stad recht van loven(en) come(n)/ en(de) geleit is totte(n) goede(n) meest(er) jan claes chirurgijn in dande(re) alse van/ iiii halst(er) corens d(er) mate(n) van loven(en) erfs pachts staende opde goede/ die wae(re)n henrix wile(n) clissen te meldert aende strate geleg(en) ald(aer)/ te weten(e) op i huys en(de) hof met eend(er) schue(re)n d(aer) bij gelege(n) en(de) met/ alle(n) and(ere)n sine(n) toebehoerte(n) gelijc henric neefs dat opde(n) dach va(n)/ hede(n) houden(de) is als momboir ermgarde(n) clissens sijns wijfs dochter/ jans wile(n) clissens gehete(n) de custe(re) die sone was des vors(creven) wilen/ henrix clissens De welke iiii halst(er) corens vors(creven) de vors(creven) meester/ gielijs meynde nae hem te trecken mids machte van eene(n) brieve/ die hij inde(n) rechte dede lesen d(aer) mede hij meynde dat jaq(ue)mijn wile(n)/ van arschot oud(er)vad(er) marie(n) van arschot wijf des vors(creven) meest(er) claes jans/ claes [dien erfpacht jegen janne clissens v(er)cregen hadde] d(aer) af de vors(creven) heilegeestmeest(ere)n de cont(ra)rie meynde(n) en(de) oec/ boden te thoene(n) dat sij als heilegeestmeest(ere)n en(de) huer voirseten/ den vorg(eruerde) erfpacht gehave(n) en(de) gebuert hadde(n) aende vorg(eruerde) goede/ ov(er) x xii xxx en(de) xxxv jae(re)n en(de) dae(re)n bove(n) en(de) noch opde(n) dach/ van heden d(aer) aen hadde(n) en(de) hieve(n) en(de) waer hen dat thonisse te cleine/ wae(re) hen behout d(aer) bij leide(n) oft dat sijs van noode wae(re)n ende/ de p(ar)tijen tot hue(re)n thonisse gewijst sijnde Thoende(n) de vors(creven)/ heilegeestmeest(ere)n mette(n) p(er)sone vande(n) vorg(eruerden) dorpe van meldert/mette(n) p(er)sone ald(aer) en(de) mette(n) scepen(en) ald(aer) allet tgene des sij hen v(er)mete(n)/ hadden Den vors(creven) meest(er) gielijse inde(n) rechte niet comen(de) noch thonen(de)/ es gewijst met dese(n) worden dat de vors(creven) meest(er) giel(ijs) mette(n) vors(creven)/ sine(n) beleide v(er)doelt es aenden vors(creven) erfpacht P(rese)nt(ibus) om(n)ib(us) scab(in)is/ no(vem)[br(is)] v[ta]