It(em) jacop van raveschote in jeghewordich(eit) d(er) scepen(en) van loven(en) gestaen/ heeft gewillecoirt ende geconsenteert arnde vand(er) borch van ha(n)nuyt ende/ zijne(n) wettig(en) kijnde(re)n dat hij [sij tusschen dit ende van half meerte] aflegghen moghen al sulken vii mudde(n) tar/

ruwen ende v mudden rox elx greyns tusschen dit ende van halfmeerte/ naestcomen(de) over vi jaer q afquite(n) ende aflegghen moeghen alsulken vii/ mudden tarruwen en(de) vijf mudden rox elx greins goet ende pairabel [paiabel] met/ wanne ende met vederen wael bereit d(er) maten van loven(en) eerfs [erfs] pachs alle/ jare te halfmeerte te betalen ende te loven(en) te leveren alse den [de] voirs(creven) jacob/ jairlijx ten t(er)mijne voirs(creven) gelden(de) heeft aen ende op alle de goede den voirs(creven)/ arnde toebehoren(de) inde de prochie van duerne ende van bevekem gelege(n)/ t(er) plaetsen geheten de t(er) te(n) co(n)theit gelijck de brieve(n) dair op gemaecht/ claerlijck inhouden ende begrijpen Te weeten elc mudde alsoe wale/ vand(er) tarruwen alse vanden rogge met xx gulden peet(er)s d(er) mu(n)ten/ ons gened(ichs) hee(re)n des h(er)toge(n) van bourgo(igne)n ende van braba(n)t voir dat(en)/ des briefs gesclage(n) ende alt(oes) met vollen pachte op alsulken vuege/ oft de voirs(creven) arnd oft sijn kijnde(re)n tvoirs(creven) greyn bijnne(n) den voirs(creven) t(er)mijne/ afquijte(n) soe sullen zij dan op hue(re)n cost den voirs(creven) jacoppe de pe(n)ny(n)ge/ vanden geheelen greys greine comen(de) te loven(en) inden wijssel leve(re)n/ ende desgelijx vanden pachte den pacht vanden selven greyne te loven(en)/ tot sijne(n) huyse ende als dan sal de voirs(creven) jacob sond(er) zijne(n) cost den/ voirs(creven) arnde oft sijne(n) kijnde(re)n vanden voirs(creven) erfpachte gued(inge) ende vestich(eit)/ doen t(er) plaetssen dair dat behoren sal eisd(em)