It(em) tvoirscr(even) beleyt salmen ten versueke jans meye(r) voirscr(even) den selve(n) janne/ ov(er)geve(n) om dat tot sijnre gelufte(n) te bate belate(n)ne in gevalle oft hij bijder/ gracien gods geneest vander s zyecheyt daer mede hij nu bevangen es/ en(de) in gevalle oft hij aflivich wort so sal tselve beleyt bliven
//
onder scepen(en) van lov(en) tot behoef kathelinen bloems die wijf es/ des voirs(creven) jans meye(r) in alsulker vuegen dat die selve katheline/ mette(n) voirscr(even) beleyde sal late(n) bescudde(n) die voirscr(even) goede jeg(en) die gene die/ daer aen ongebruyck voirt keren en(de) oic sijn testament en(de) uutsterste(n) wille/ bij hem gemaect voer al te volvueren(e) En(de) ande(re) goede over sijn testame(n)te/ volschiet sijnde overcomen(de) met den selve(n) beleyde te doen volge(n) den ghene(n)/ die sij met den lantrechte volge(n) souden oft die voirscr(even) jan meye(r) wettich/ ware van gebuerte(n) En(de) dit heeft geloeft die voirscr(even) matheus lyntherma(n)s/ als geleyt geloeft met den voirscr(even) beleyde by wete(n) en(de) rade bertholomeus/ gehete(n) bloeme brueder der voirg(enoemde) kathelinen [vacat] te voldoene en(de)/ te volvueren(e) also v(er)re dat in hem es en(de) hij dat met rechte sal moge(n) doen/ cor(am) eisd(em)