It(em) hebbe(n) de vors(creven) gebr(uedere) den vors(creven) gheerde geloeft waert/ alsoe dat hen in toecomen(de) tijde(n) enige(n) last ov(er)quame vanden/ erfgename(n) jans wile(n) ve(re)ngheerd(ere)n sijns brued(er)s die ind(er) vors(creven)/ so(m)me(n) meyne(n) gericht te sijne het wae(re) uut ocsuyne van enig(er)/ makinge(n) oft and(er)s dat hen dan de selve gebr(uedere) d(aer) af costeloes/ en(de) scadeloes ontheffen sulle(n) en(de) hen d(aer) af aen ene(n) iegelike(n) wara(n)t/ sijn Geloven(de) voirts de selve gebr(uedere) den vors(creven) gheerde van/ negheen(der) zake(n) die sij tot opde(n) dach van hede(n) jege(n) hen uutstae(n)de/ mochte(n) hebbe(n) hoedanich die wae(re)n nu(m)m(er)meer aente spreke(n) noch/ te moye(n) bij hen selve(n) noch bij nyem(ande) and(er)s in egen(en) rechte/ het sij gheestelic oft w(er)lic M(air) den selve(n) gheerde van allen vorw(er)de(n)/ gelufte(n) condicie(n) en(de) actien volcomelic en(de) opp(enbairlic) quijtsceldende/ en(de) henricke vande(n) boelenrode hue(re)n brued(er) nu absent/ wesen(de) [in dien hebben(de) en(de) d(aer) inne vervaende] dat hij t(er) manisse(n) des selfs gheerts de vors(creven) gelofte(n)/ voir scepen(en) van loven(en) doen sal sond(er) argelist abs(oloens) vynck(enbosch)/ oct(obris) xix