It(em) de vors(creven) jan vande(n) bossche in jeg(ewordicheiden) d(er) scepen(en) van loven(en) gestaen heeft/ geloeft den vors(creven) janne vande(n) vekene en(de) sijne goede h(ier) nae bescr(even)/ Te wete(n) inde(n) ierste(n) vii dach(mael) lants gelege(n) inde p(ro)chie van wesenbeke/ in eene(n) stucke aende(n) honsp(er)re naest de(n) goede(n) willems vande(n) vekene/ It(em) i boend(er) lants gelege(n) aende ban eyke naest den goede(n) henrix de clerc/ It(em) i boend(er) lants gelege(n) neve(n) de goede jans mette(n) blocscoen It(em) i boend(er)/ lants gelege(n) neve(n) de goede jans vande(n) bosche It(em) i(½) dach(mael) lants gelege(n)/ neve(n) de goede des selfs jans vande(n) bossche It(em) i boend(er) lants gelegen
//
inde p(ro)chie van stertbeke t(er) plaetse(n) gehete(n) t(er) rot neve(n) de goede jans va(n)/ wilre It(em) i boend(er) lants gelegen ald(aer) neve(n) de goede des voirs(creven) jans van/ wilre It(em) i boend(er) lants gelege(n) inde selve p(ro)chie neve(n) de goede jans/ fokaerts It(em) i boend(er) lants gelege(n) neve(n) de goede gherams voets/ It(em) (½) boend(er) lants gelege(n) t(er) plaetse(n) gehete(n) ten bog(ar)de It(em) vi dach(mael)/ lants gelegen te weesenbeke in eene(n) stucke aende(n) honsperre/ Co(m)m(er)loes ende scadeloes te houden(e) en(de) tewege(n) daghe(n) tontheffene/ vanden voirs(creven) iiii saluyte(n) inden wara(n)deerscape vand(er) vors(creven) gued(inge)/ beg(ri)pen jarliker lijfpensien die ja(n)nes vand(er) leeps vors(creven) ten lijve/ vanden vors(creven) ii p(er)sone(n) aende vors(creven) goede die oec mede ond(er)pant/ sijn metten vors(creven) huyse en(de) hove ind(er) vors(creven) gue(inge) beg(ri)pen [jarlix gelden(de) heeft] Ende om/ te meerd(er) vestich(eit) den vors(creven) ja(n)ne vande(n) vekene vande(n) vors(creven)/ gelufte(n) te doene so heeft de vors(creven) jan vande(n) bossche den voirs(creven) ja(n)ne/ vanden vekene geloeft te comen(e) binne(n) xiiii dagen neestcomen(de) voir/ den meye(r) en(de) scepen(en) vand(er) vue(re)n en(de) [vandair] vand(er) niet te sceiden hij en sal ald(air)/ tierst den vors(creven) ja(n)ne vande(n) vekene tond(er)pande gesedt hebbe(n) zeke(re)/ erfgoede die hij ald(air) houden(de) en(de) besitten(de) is voir de vors(creven) iiii saluyten jarlix/ en(de) tott(er) tijt toe dat die v(er)storve(n) oft afgequete(n) sijn sulle(n) goetgenoech/ sijnde Et t(antu)m cor(am) eisd(em)