It(em) want wout(er) van vertrike natuerlijck die met arnde/ van chesteal geleyt es tot den goede(n) have en(de) erve hubijn/ mattelot inde banck van hannuyt gelege(n) op den dach van/ hede(n) hadde doen inscriven den selven hubijn mattelot die hem/ aen de helcht vanden voirscr(even) goeden ongebruyck dede Tot/ welke(n) dage hij niet come(n) en es so hebbe(n) de hee(re)n/ scepen(en) van lov(en) ter manisse(n) smeyers gewijst voir een vo(n)nis/ datme(n) den voirscr(even) woute(re)n vander voirscr(even) helcht houden sal/ in sine(n) beleyde also v(er)re dat noch voir hen come(n) es Cor(am)/rk rijke wite ov(er)wynge vynck(enbosch) lyntr(is) febr(uarii) q(ua)rta