It(em) meest(er) gielijs de lantmete(re) ende wout(er) van wersbeke als segge(re)n ende/ vrindelike yffene(re)n willems cleinjans d(aer) inne de selve willem hem voir scepen(en)/ van ned(er)lyntere verbonde(n) ende gesubmitteert heeft te houden(e) alsulken segge(n)/ als de voirg(enoemde) segge(re)n eendrechtichlijc uut spreken soude(n) van zeke(re)n stote/ ende tebatte verresen tusschen hem in deen zijde ende waelwijn vand(er)/ molen in dande(re) van viii gulden(en) te x st(uvers) jairliker rente(n) tot/ sijnd(er) tocht van wege(n) marie(n) wijlen vand(er) molen sijne(n) wijve oft/ te houden(e) tgene des de he(re)n scepen(en) van loven(en) den selve(n) seggeren/ op dat sijs niet eens en waren voir een seggen van rechte geve(n)/ sullen hebben hen op heden want de segge(re)n d(er) uutspraken/ niet eens en worde(n) sijn voir scepen(en) geprisenteert o(m)me met/ waelwijne gheymaer ende meeste(re)n henr(icke) zantberchts/ segge(re)n des voirs(creven) waelwijns vand(er) molen een segge(n) van rechte/ te halen op dat si tegewoirdich wae(re)n vy(n)k(enbosch) lynt(re) ap(ri)l(is) ult(ima)