It(em) want henrick oege aerdt vanden dryessche ende jan beghe die nae den rechte der/ stad van loeven(en) beleyt sijn tot allen den goede(n) have ende erve jans platvroet ende/ yden oeghs sijns wijfs waer die bynne(n) der p(ro)chien van lovenjoel gelege(n) sijn opde(n)/ dach van heden hadden doen inscriven vrancken lonijs van lovenjoel die hen aen/ so(m)meghe vande(n) selven goeden ongebruyck dede ende aende vrachte(n) vande(n) selven/ die hij mette(n) he(re) hadde doen raste(re)n Te weten (½) boender somercorens gelege(n) te/ lovenjoel aende(n) molenberch It(em) een dach(mael) wynter corens geleg(en) ald(aer) opt dlaervelt/ ende (½) dach(mael) ald(aer) noch op tselve velt Daer de selve vrancke lonijs niet en quam/ soe hebben de he(re)n scepenen van loeven(en) t(er) manissen smeyers geweest hebben/ voer een vo(n)nisse waer de selve vrancke niet en quame ten opstaen smeyers/ ende der scepen(en) datmen de drie p(er)soene houde(n) sal van dien goede(n) in hue(re)n/ beleyde alsoe verre alst noch voe(r) scepen(en) comen es P(rese)nt(ibus) o(mn)ib(us) scabinis augusti vi