It(em) meest(er) jans stouts meest(er) in arten en(de) licenciaet in decreet/ in deen sijde m(ar)griete weduwe wouters wilen van p(ro)teghem h(er) jan/ van proteghem p(rie)ster huer soen en(de) jan vand(er) biest met wille/ en(de) (con)sente heylwighen van p(ro)teghem sijns wijfs docht(er) der vors(creven)/ gehuysschen en(de) sust(er) des selfs h(ere)n jans in dand(er) sijn come(n)/ in jeg(ewordicheit) d(er) scep(enen) van lov(en) en(de) sijn zamentlic overcome(n) voir hen hue(re)n/ erfgename(n) en(de) nacomelinge(n) vand(er) goeten liggen(de) tusscen hue(re)r beyd(er)/rve huyse inde scepstrata te weten thuys gehete(n) de zonne/ toebehoe(re)nde den vors(creven) meest(er) janne en(de) thuys geleg(en) ald(er) naist opw(er)t/ toebeh(oerende) d(er) vors(creven) p(er)sone(n) m(ar)gr(iete) h(ere)n jans en(de) heylwige(n) vortaen/ onv(er)brekelic tond(er)houden tghene dat h(ier) na volght Inden yerste(n)/ dat de vors(creven) goete van voe(r) t(er) scepstraten tot acht(er) hue(re)r
//
beid(er) erve(n) huyse liggende gedeilt op hue(re)r beyd(er) erve sal blive(n)/ liggen(de) ontfangende dwat(er) van beyde(n) huyse(n) en(de) gemeyn/ wesen op geliken cost te houden also die tot hier toe gelege(n) heeft/ en(de) dat wat(er) vande(n) acht(er)sten eynde vand(er) selv(er) goeten/ liggende bove(n) eene(n) muer tusscen de hove van beyden vors(creven)/ huysen sijne(n) ned(er)val en(de) lijden hebben sal ov(er) den selve(n) muer/ op den hof en(de) op derve d(er) vors(creven) m(ar)gr(ieten) h(ere)n jans en(de) heylwige(n)/ en(de) niet op derve des vors(creven) meest(er) jans Bij also dat de/ selve meest(er) jan een loten hoze sal doen maken d(aer) inne dat/ dwat(er) vand(er) selv(er) goeten sijne(n) ned(er)val [hebben sal] tot inden hof d(er) selv(er) margr(ieten)/ en(de) hue(re)r kynde(re)n en(de) dat de selve meest(er) jan de selve hoze/ also voirtaen eeuwelic sal houden Geloven(de) de selve p(ar)tijen/ voir hen en(de) hue(re)n erve(n) des voirs(creven) is vast en(de) gestedich/ te houden en(de) te vollen voldoen abs(oloens) vynckenbosch oct(obris) x