Tvonnisse tusschen arnde gherijs als geleyt totte(n) haeflike(n) goeden vranx lambrechts/ in deen zijde ende anne platteborse weduwe arnts wijlen van ghind(er)bove(n) in dande(re) van/ zeke(re)n haven die toe te behoren(e) plaghen den voirs(creven) vrancken ende die lijsbeth des selfs/ vranx lambrechts wijf houden(de) en(de) hanteren(de) es als hare have Alsoe de voirs(creven) arnt/ meynt mids den welken hij oic meynt dat hem en(de) zijne beleyde die billicken met/ rechte volgen souden Dair af de voirs(creven) anne die contrarie meynde seggen(de) dat/ arnd wijlen van ghind(er)bove(n) huer man die voirs(creven) haeflike goede met tytule van/ wettigen coepe vercrege(n) hadde tegen woute(re)n vanden leempoele wijng(ar)de(re) die voir/ en(de) eer totte(n) haflike(n) goeden des voirs(creven) vranx geleyt was Ende dat de selve/ arnt huer man uut machte van sijne(n) cope so(m)mege van dier haven der voirg(enoemde)/ lijsbette(n) verhuert hadde en(de) also in huer hande gelate(n) hadde gelijc sij dat/ met eene(n) scepen(en) brieve van loven(en) opte(n) voirs(creven) coep gemaect thoende en(de) mette(n)/ diene(re) die leveringhe gedaen hadde en(de) met goeden manne(n) die ov(er) die hueri(n)ge/ ware(n) Es gewijst met desen woirden datme(n) den voirs(creven) arnde gherinx [gherijs] houden/ sal in sijne(n) beleyde behoudelijc de porcelen vand(er) haven die wetteliken/ vercocht [sijn] dat huer die volgen sullen [der voirg(enoemde) annen] cor(am) lombart abs(oloens) wijtfliet cap(elle)[ma(n)]/ voshem oct(obris) qui(n)ta/