Tvonnisse tussche(n) wille(m)me van thiene(n) vessche(re) in deen zijde ende/ henr(ic) vand(er) zaert in dande(re) alse va(n) eene(n) brieve spreken(de) van xxx/ peet(er)s te betalen(e) aen m(er)tene va(n) werchte(re) gehete(n) daems en(de) wout(ere)n/ de mu(n)tre gehete(n) de becke(re) den jongen de welke ten selve(n) rechte/ ov(er)gegeve(n) wae(re)n o(m)me d(aer)mede op lod(ewijc) merx te v(er)reike(n) xv peet(er)s/ vande(n) vorg(enoemde) xxx[e(n)] Welke(n) brief de vors(creven) henr(ic) de(n) vors(creven) wille(m)me/ geloeft hadde ov(er) te geve(n) ofte de vorg(enoemde) xv peet(er)s hem te bet(alen)/ Bieden(de) dat te thoene(n) met goede(n) ma(n)ne(n) die d(aer) af te spreke(n) wiste(n)/ D(aer) af de vors(creven) henric de cont(ra)rie meynde seggen(de) dat hij hem/ vandes vors(creven) is niet geloeft en hadde Seggen(de) oec mede dat/ onlanx voirlede(n) lod(ewijc) merx als geleit totte(n) goede(n) des vors(creven)/ willems en(de) dier goede mids de(n) selve(n) sine(n) beleide mechtich sijnde/ den selve(n) henricke vand(er) vors(creven) aensprake(n) oec met rechte gepoert/ heeft Ende d(aer) inne so v(er)re met rechte gep(ro)cedeert was dat/ de vors(creven) henr(ic) tot sijnd(er) ontschout met vo(n)nisse(n) gewese(n) sijnde/ de selve ontschout dede in manie(re)n en(de) vorme(n) va(n) rechte Alsoe/ dat ten uut(er)ste(n) nae zeke(re) calengie die de vors(creven) lod(ewijc) d(aer) inne/ geworpe(n) hadde gewese(n) was met vo(n)nisse(n) den vors(creven) henr(ic)/ te gestane met alsulk(er) ontschout als hij gedaen hadde Ged(ra)gen(de)/ hem de vors(creven) henr(ic) va(n) dien aende h(ere)n scep(enen) die dat noch/ in hue(re)r versscher memorie(n) wael verhuedt hadde(n) Es/ gewijst met dese(n) worde(n) dat wille(m) va(n) thiene(n) verdoelt is/ met sijnd(er) aensprake(n) aende(n) vors(creven) henr(ic) nae de goede vo(n)nisse(n)/ die d(aer) voe(r) afgewese(n) hadde(n) [wae(re)n] p(rese)nt(ibus) rike abs(oloens) roe roelofs ov(er)winge/ lint(re) prijke(re) ja(nuarii) xiiii/