Item jan wout(er) henrick en(de) lauwereys geheten van breetzijp gebruede(re)n sone/ jans van breetzijp woenen(de) ind(er) p(ro)chien van berthem hebben malcande(re)n opp(enbairlic) geloeft/ so wes goede het sij leengoede eyghen goede oft tchijsgoede met allen den haeff/ liken goeden die blijven sullen nae de doot des voirscr(even) jans van breetzijp en(de)/ margrieten gruwels sijns wijffs vader en(de) moeder der voirscr(even) gebruede(re)n Ende/ oick alsulke lijfftochten die deselve jan en(de) margr(iet) vader en(de) moeder der selv(er)/ gebrued(ere) vercreghen hebben oft in toecomende(n) tijden vercrighen mochten dat/ sij alle de selve goede mett(er) voirscr(even) lijfpensien in gelijken porchien ende gelijke/ hoede nae de doot der selver hue(re) vader en(de) moeder in vier gedeelten malcande(re)n/den leen sullen deylen sullen [en(de)] nae doet h der selv(er) hue(re) vader en(de) moed(er) hue(re)r/

ouders elk van hen weder inne bringhen sal ter deylinghen tghene dat hem/ in huweliker voirwerden gegeven es het sij have oft erve niet wederstaende/ dat de selve lijffpens(ie) op e(n)nige vand(en) voirscr(even) gebrued(ere) kynde(re)n live vercreghen/ oft staende is [oft gesedt mocht worden] Ende oic dat e(n)nich vanden selven gebrued(ere) inden voirscr(even) leengoede/ oft ande(re) goede nae den lantrecht voird(er) gericht wesen mochte dan dande(re)/ Behoudelijc dien dat de selve lauwereys voe(r) uut hebben sall alsulke drie/ mudden rogs lijftochten en(de) oic sijnen hoetstoel het sij van pe(n)ninghen coyen/ oft anders die hij met sijnen pe(n)ninghen tot op den dach van heden v(er)creghe(n)/ oft te hemw(er)t heeft Ende allet ghene dat hij voirtane in e(n)nig(er) manie(re)n/ met? ghene dat voirscr(even) es vercrighen oft veroveren mochte en(de) niet meer/ sond(er) dat inne te [moete(n)] bringhen Bij alsoe dat de selve lauwereys met alsulke(n)/ scoutbr(ief) als hem sijn voirscr(even) vader voe(r) scepen(en) van loeven(en) bekent heeft/ in contrarien vanden voirscr(even) sijnen gebruede(re)n niet voirde(re)n en sall dan/ alleene oft sijne suste(re)n oft swage(re)n in sijnre voirscr(even) drie mudde(n) rogs en(de) ande(re)n/ hoetstoel hem hynd(er) sijn wouden Dwelck oft alsoe gebuerde soe soude hem de/ selve laur(eys) metten voirscr(even) scoutbr(ief) moghen [behulpen en(de) d(aer) mede] voirts vae(re)n evenverre dat den/ voirscr(even) sijne(n) bruede(re)n niet en contrarierde ende and(er)s niet [gelijc voirscr(even) steet] cor(am) rijke abs(oloens) april(is)/ tercia/