Cond zij allen lieden dat gielijs van lies wonen(de) te velthem en(de) m(ar)griete sijn/ wijff docht(er) jans vand(er) ast in jegewordich(eit) d(er) scepene(n) van loven(en) gestaen/ hebbe(n) genome(n) en(de) bekint dat sij genome(n) hebbe(n) van h(ere)n wille(m)me/ edelhee(re) prieste(r) thoff des selfs h(ere)n willems geheten ter drieschaghe(n)/ inde p(ro)chie van velthem gelegen metten huysen hove(n) wynnen(de) lande(n)/ bog(ar)den en(de) met eene(n) eeussele d(aer)toe behoren(de) en(de) met alle(n) ande(re)n/ sine(n) toebehoerte(n) h(ier) inne uutgenome(n) den beempt geheten den/ doeyenbeempt Te houden te hebbe(n) en(de) te wynne(n) van half m(er)the/ lest lede(n) eene(n) t(er)mijn van sesse jare(n) langc due(re)nde deen nae/ dand(er) sond(er) middel volgen(de) elx jaers dae(re)n bynne(n) Te wete(n) de/ vors(creven) huysinghe mette(n) hoeve(n) bog(ar)de(n) en(de) met eene(n) stuc wynnens/ lants acht(er) de stellagie gelegen o(m)me en(de) voe(r) ii [twee] mudde(n) rox goet/ en(de) paiabel d(er) mate(n) van loven(en) en(de) tvors(creven) eeussel voe(r) en(de) o(m)me/ eene(n) guldene(n) peet(er) d(er) mu(n)ten ons gend(ichs) h(ere)n ts(er)togen va(n) bourg(oig)[ne(n)]/ en(de) va(n) braba(n)t alle jae(re) s(in)[te] andriesmisse apostels te betale(n) en(de)/ tvors(creven) coren te loven(en) ten huyse des vors(creven) h(ere)n willems te leve(re)n/ den vors(creven) h(ere)n wille(m)me de(n) vors(creven) t(er)mijn due(re)nde en(de) telke(n) t(er)mijne/ als v(er)volghde schout En(de) alle dande(r) lande bynne(n) shoefs/ en(de) buyte(n) shoefs geleg(en) voe(r) en(de) o(m)me de helcht va(n) alle(n) den/ coerne en(de) vruchte(n) opde selve goede jarlix wassen(de) dewelke/ de vors(creven) h(er) willem en(de) gehuyssche(n) half en(de) half deile(n) sulle(n)/ It(em) sulle(n) de vors(creven) gehuysschen de vors(creven) lande de(n) vors(creven) t(er)mijn due(re)nde/ wel en(de) loflic wynne(n) en(de) werve(n) gelijc regenote(n) bove(n) en(de) benede(n)/ It(em) sal de vors(creven) h(er) wille(m) vande(n) vors(creven) goede(n) te hemwert behoude(n)/ sonder de(n) wyn gehuyssche(n) d(aer) inne enich recht te hebbe(n) tclein/ huyske(n) mette(n) dofhuyse en(de) met eene(n) cleine(n) hoefkene d(aer) aen/ gelegen mette(n) oeftboeme(n) en(de) mette(n) wijne bynne(n) de(n) selve(n) hove/ jarlix wassen(de) It(em) sal de vors(creven) h(er) wille(m) jarlix de(n) gehuysschen/ moete(n) coepen xii twelf schat voed(er) mests vande(n) welke(n) de vors(creven)/ h(er) willem de sesse d(aer) aff op hem selve(n) betale(n) moet ende/ vanden and(ere)n sessen sal de vors(creven) h(er) wille(m) uut(er) schue(re)n v(er)cope(n) also/ vele stroes d(aer)mede hij die ande(r) cope(n) sall en(de) die gecocht/ sijnde sulle(n) de vors(creven) gehuysche(n) opt lant vue(re)n tslants meeste(n) p(ro)fite/ / It(em) sulle(n) de vors(creven) gehuyssche(n) op hue(re)n cost jarlix de(n) vors(creven) t(er)mijn due(re)nde/ moete(n) hale(n) met hue(re)n wage(n) en(de) p(er)de(n) sesse voed(er) mergels en(de) die/ opt lant vue(re)n tslants meeste(n) p(ro)fite It(em) es noch vurwerde dat de/ vors(creven) gehuyssche(n) vanden vors(creven) goeden jarlix sullen moete(n) doen setten/ een stuc met erweten vanden welken de vors(creven) h(er) wille(m) betale(n) sal/ half tsetgelt en(de) desgelijx half den saet en(de) niet meer It(em) es/ noch vurwerde so wa(n)neer de vors(creven) h(er) wille(m) opde vors(creven) goede sijn/ willige(n) doet truncken d(aer) af sulle(n) de vors(creven) gehuyssche(n) die gherden/ bynne(n) shoefs vue(re)n en(de) de wijng(ar)t staken die de selve h(er) wille(m)/ vande(n) vors(creven) willigen sal doen make(n) op sine(n) wijng(ar)t vue(re)n oft te/ loven(en) tot sine(n) huyse d(aer)t den vors(creven) h(er) wille(m)me best gelieve(n) sall/ en(de) op cost d(er) vors(creven) gehuysschen It(em) so wa(n)neer de vors(creven) h(er) wille(m) opde/ vors(creven) goede enich berhout doet maken dat sulle(n) de vors(creven) gehuysschen/ bynne(n) shoefs in eene mite leve(re)n en(de) dat moete(n) sij h(ere)n wille(m)me/ vorg(eruert) te love(n) leve(re)n en(de) va(n) elke(n) voed(er) hebben twee stuv(er)s It(em)/ sulle(n) de vors(creven) gehuyssche(n) jarlix op hue(re)n cost des vors(creven) h(ere)n willems/ wijn als dien rijp sijn sall te loven(en) tot sine(n) huyse vue(re)n It(em) sulle(n)/ de vors(creven) gehuysschen de(n) vors(creven) h(ere)n wille(m)me jarlix de(n) vors(creven) t(er)mijn/ due(re)nde leve(re)n sesse mandele(n) walms o(m)me de vors(creven) huysinge/ mede te decken en(de) alsmen aende selve iet werct dect oft/ plect dan sulle(n) de vors(creven) gehuysschen den leem halen dieme(n)/ ald(aer) v(er)besige(n) sall en(de) desgelijx den wercluden den montcost geve(n)/ en(de) h(er) wille(m) sal de dachue(re)n betalen It(em) alsmen aende tiegeldake/ iet dect d(aer)af sulle(n) de vors(creven) gehuysschen op hue(re)n cost den/ calck en(de) de treg tieghelen te loven halen en(de) de vors(creven) h(er) wille(m)/ sal alsdan de(n) wercluden den montcost geven en(de) oec de dachue(re)n/ bet(alen) It(em) es vurwerde so wa(n)neer ten oexste de vruchte(n) opde/ vors(creven) lande wassen(de) tijtverdich en(de) rijp sulle(n) sijn die sulle(n) de/ gehuyssche(n) afdoen en(de) des vors(creven) h(ere)n willems gedeelte inde schue(re)/ vue(re)n eer sijt hue(re) sulle(n) mogen rue(re)n En(de) alse de(n) vors(creven) h(ere)n/ wille(m)me ald(aer) sijn gedeelte gelieve(n) sall te doen dersschen d(aer) af/ sal de selve h(er) wille(m) den derssch(er)s den montcost gheve(n) en(de) hen/ / huer dachue(re)n betale(n) en(de) dat gedorsschen sijnde sulle(n) de selve/ gehuyssche(n) op hue(re)n cost des vors(creven) h(ere)n willems gedeelte te loven(en) tot/ sine(n) huyse leve(re)n It(em) sulle(n) de vors(creven) wynne de la [gehuyssche(n)] en(de) h(er) wille(m)/ bynne(n) den drie ierste(n) jae(re)n van malcande(re)n moge(n) scheide(n) op dat hen/ gelieft behoudelic dat de ghene die scheide(n) wilt dat den ande(re)n een jar/ te voe(re)n condige(n) en(de) segge(n) moet een jair Ite(m) sulle(n) de vors(creven) gehuyssche(n)/ de lande die sij t(er) helicht wynne(n) genome(n) hebbe(n) vande(n) vors(creven) h(ere)n/ wille(m)me ten eynde va(n) hue(re)n afsceide(n) late(n) gelijc sij die gevonde(n)/ hebbe(n) te hue(re)n aencome(n) Te wete(n) inde(n) ierste(n) een half boend(er) lants/ opt herixhem wel gemest en(de) met terwe(n) besayt It(em) drie dach(mael)/ lants in eene(n) stucke gelegen opt selve velt gemest en(de) met/ rogge besayt It(em) i dach(mael) gelege(n) oft selve velt gemest en(de)/ met rogge besayt It(em) i dach(mael) lants gelege(n) neve(n) de goede gielijs/ vanden broeke gemest en(de) met rogge besayt It(em) een half dach(mael)/ opde(n) ijsputte gemest en(de) met rogge besayt en(de) een stuc lants/ gelegen ten kersselle(re) oec gemest en(de) met rgge besayt It(em) alle/ dande(r) lande gestortvoert buyte(n) shoefs en(de) bynne(n) shoefs geleg(en)/ Ende alle dese vors(creven) gelufte(n) en(de) condicie(n) hebbe(n) geloeft de/ vors(creven) h(er) willem in deen zijde en(de) de vors(creven) gehuysschen in dande(re) [gehuysschen] /malcand(ere)n vast en(de) [den vors(creven) h(ere)n wille(m)me vast en(de)] gestentich te houden en(de) te voldoene talle(n) tijde(n)/ en(de) t(er)mijne(n) als sij valle(n) en(de) v(er)schine(n) sulle(n) en(de) telke(n) t(er)mijne als v(er)volghde/ schout cor(am) rike abs(oloens) junii xiiii