Want gheert vand(er) masen die als naeste oir en(de) erfgename jans/ wile(n) de rijke van zichne(n) sneckers va(n) thiene(n) ov(er)mids vo(n)nissen van/ zeke(re)n scepene(n) brieve(n) va(n) loven(en) come(n) en(de) geleit is tot alle(n) den haeflike(n)/ goede(n) jans de rijke van zichne(n) opden dach van hede(n) hadde doen/ inne scrijve(n) henr(ic) tymm(er)ma(n) die hem ongebr(uyc) dede aen so(m)mighe/ vande(n) vors(creven) haeflike(n) goede(n) die wae(re)n des vors(creven) jans de rijke Te/ wetene aen ii coupere(n) po ii coepere(n) potte en(de) ii ee(re)n ketele Tot/ welke(n) daghe de vors(creven) henr(ic) niet come(n) en is Soe hebbe(n) de h(ere)n/ scepen(en) van loven(en) t(er) manissen smeyers gewijst voir een vo(n)nisse/ datme(n) den vors(creven) gheerde vanden vors(creven) haeflike(n) goede(n) houde(n) sal/ in sine(n) beleide also v(er)re alst noch voir scepen(en) come(n) is p(rese)nt(ibus) scab(inis)/ ex(iste)n(tibus) in scampno sept(embris) xiii/