It(em) de voirs(creven) wout(er) en(de) thiebaut hebben geloeft ind(ivisim) den voirs(creven)/ robeerte alse dat sij tusschen dit en(de) des dijsdaeghs inde(n)/ pynxten daghen naestcomen(de) jacoppen en(de) arnde ende/ joffr(ouwe) marien de rous kynde(re) wouters wijle(n) de rous in die(n)/ hebben sulle(n) dat sij te jandraine voe(r) meye(r) en(de) scepen(en) ald(aer)/ inde banck comen sullen ald(aer) opdragen(de) en(de) quijtscheldende/ allet recht tot behoeff des voirscr(even) robbeerts dat sij hebbe(n)/ moeghen in de voirscr(even) v mudde(n) corens erflic en(de) d(aer)toe/ alsoe vele doende dat de voirscr(even) robbeert vast en(de)/ seker sijn moeghe p(rim)[(us)] cor(am) eisd(em)