It(em) peet(er) cleynmans gehete(n) de slinge(re) wonen(de) te haeght in jeg(ewoirdicheit) d(er) scepen(en) va(n)/ loven(en) gestaen heeft genome(n) en(de) bekint dat hij genome(n) heeft van ja(n)ne/ gheerts de sone wile(n) willems de goede [chijs en(de) pacht] h(ier) nae bescr(even) inde p(ro)chie van/ haeght geleg(en) Inde(n) ierste(n) i(½) boend(er) wynnens lants geleg(en) opt cleinvelt/ inde vors(creven) p(ro)chie [in twee stucke(n)] comen(de) mette(n) eene(n) eynde aende strate It(em) noch ii(½) dach(mael)/ eeussels geleg(en) in ii stucke(n) int goet toebehoren(de) den vors(creven) peet(ere)n It(em) noch/ i dach(mael) beempts gelege(n) int schoutbroeck It(em) de It(em) x mo[l(evaten)] rox d(er) mate(n)/ va(n) loven(en) alle jae(re) s(in)[te] andriesmisse apostels te bet(alen) die de vors(creven) jan/ jarlix heeft op zeke(r) goede en(de) ond(er)pande de(n) vors(creven) peet(ere)n toebehoren(de) gelege(n)/ te haeght en(de) d(aer) omtre(n)t It(em) de helcht va(n) xxxi l(i)b(ra) borsgelts alle/ jae(re) te kersavonde vallen(de) op zeke(r) goede toebehoren(de) peet(ere)n de wint/ wonen(de) te mechle(n) Te houde(n) te hebbe(n) en(de) te wynne(n) van s(in)[te] and(ries)/ misse naestcomen(de) eene(n) t(er)mijn van ix jae(re)n langc due(re)nde deen nae/ dand(er) sond(er) middel volgen(de) elx jaers dae(re)n bynne(n) voe(r) en(de) o(m)me viii(½)/ g(ri)pe(n) te wete(n) xl pl(a)c(ken) voir elc g(ri)pe gereke(n)t alle jae(re) te sinte/ andriesmisse apostels naestcomen(de) te bet(alen) en(de) te loven(en) te leve(re)n de(n) vors(creven)/ ja(n)ne de(n) vors(creven) t(er)mijn due(re)nde en(de) telke(n) t(er)mijne als vervolghde schout/ It(em) es noch vurwerde dat de vors(creven) wynne de vors(creven) lande [sine(n) t(er)mijn due(re)nde] wael/ en(de) loflic wynne(n) en(de) werve(n) [en(de) meste(n)] sal en(de) de vors(creven) eeussele(n) [en(de) beemde(n)] bevrede(n) gelijc/ regenote(n) bove(n) en(de) benede(n) It(em) es noch vurwerde oftme(n) bevonde/

oft de vors(creven) dat de vors(creven) peet(er) alle deyke(n) staende [alleene] tege(n) thalf boend(er)/ lants [en(de)er] gelege(n) opt [vors(creven)] cleinvelt also v(er)re die hol sijn [en(de) niet vord(er)] sal moge(n) afhouwe(n)/ op dat hem gelieft op al en(de) des sal de vors(creven) peet(er) voir elke alsulke/ eyke moete(n) wed(er)om sette(n) ii leve(n)de willige poete(n) En(de) alle dese vors(creven)/ vurwerde(n) gelufte(n) en(de) condicie(n) hebbe(n) geloeft de vors(creven) p(ar)tije(n) malc(ander) vast/ gestentich en(de) onv(er)brekelic te houde(n) (et)c(etera) [talle(n) tijde(n) en(de) t(er)mijne(n) als die vallen ende verschijne(n) sullen H(ier) waren ov(er) (et)c(etera)] cor(am) rijke linthe(re) junii xix