It(em) golijs van wolmont molde(re) sone wile(n) goerts en(de) yde sijn wijf in jeg(enwerdicheit) d(er)/ scepene(n) van loven(en) gestaen heeft genome(n) en(de) bekint dat hsij genome(n) hebbe(n)/ van henricke de grove de wat(er)mole(n) des selfs henrix gelege(n) te libbeke/ mett(er) iii drie beemdeke(n) en(de) met [weyen van allen den beemden d(aer) toebehoren(de) en(de) noch] eene(n) cleine(n) wouwe(re) d(aer) toe behoe(re)n en(de)/ met alle(n) iegewelke(n) hue(re)n toebehoerte(n) uutgenome(n) eene cle came(re)/ staende neve(n) de selve mole(n) en(de) eene(n) groete(n) wouwe(re) gehete(n) den/ maelwouwe(re) Dwelc de vors(creven) henric tot sine(n) v(er)doene houde(n) hebbe(n)/ en(de) behoude(n) sall Te houde(n) en(de) te hebbe(n) van opde(n) dach van hede(n)/ eene(n) t(er)mijn van drie jae(re)n langc due(re)nde deen nae dand(er) sond(er) middel/ volgen(de) elx jaers dae(re)n bynne(n) voe(r) en(de) o(m)me thien mudde(n) rox goet/ en(de) paiabel met wa(n)ne en(de) met vede(re)n wel bereit d(er) mate(n) va(n) loven(en)/ te wete(n) alle halve(n) jae(re) v mudde(n) rox d(aer) af te betalen en(de) te/ loven(en) d(aer)t den vors(creven) henr(ic) best gelieve(n) sal te leve(re)n de(n) vors(creven) henr(icken)/ den vors(creven) t(er)mijn due(re)nde q(uolibet) ass(ecutu)[m] It(em) es vurwerde dat de vors(creven)/ gehuyssche(n) den vors(creven) henr(icken) tussce(n) dit en(de) s(en)[te] jansmisse naestcom(ende)/ geve(n) en(de) bet(alen) sulle(n) iiii mudde(n) rox in afslage vande(n) t(er)mijne die/ bynne(n) den ierste(n) jae(re) halve(n) jae(re) vallen sall en(de) te leve(re)n als voe(r)
//
It(em) sulle(n) de vors(creven) gehuyssche(n) de vors(creven) mole(n) op hue(re)n cost hue(re)n t(er)mijn due(re)nde/ houde(n) van ca(m)me(n) en(de) van spille(n) en(de) de vors(creven) henric voert van allen and(ere)n/ werke Desgelijx sulle(n) oec de vors(creven) gehuysschen op hue(re)n cost de beke/ ald(aer) ruyme(n) en(de) vagen also dicke dat gebue(re)n sall also dat den/ vors(creven) henr(ic) d(aer) bij egeen scade en gesciede en(de) oft hij d(aer) bij enige lede dien/ gelove(n) de vors(creven) gehuysschen hoedanich die wae(re) hem wed(er)om [op te richte(n)] uut/te reiken en(de) bet(alen) als v(er)volghde schout It(em) es oec vurwerde of so/ wa(n)neer den vors(creven) henr(ic) den vors(creven) groete(n) wouwe(re) gelieve(n) sall te doen/ vesschen dat hij dat t(er) stont den vors(creven) gehuyssche(n) sal moete(n) condigen/ ii dage te voe(re)n en(de) t(er) stont hen dat gecondicht sijnde sulle(n) [dien] doen vessche(n)/ den vors(creven) cleine(n) wouwe(re) en(de) alsdan den vors(creven) henr(icken) mette(n) selve(n) en(de)/

also dat opde(n) selve(n) cleinen wouwe(re) wed(er) wat(er) sijn moghe en(de) dien/ den vors(creven) henricke leene(n) drie daghe o(m)me d(aer) op de vessche/ uut sine(n) groete(n) wouwe(re) te doer comen(de) te doene [op te legge(n)] It(em) gebuerdet/ oec dat de vors(creven) mole(n) bij ocsuyne des vors(creven) henrix stille/ stonde soe eest vurwerde dat de vors(creven) henric dat den vors(creven)/ gehuyssche(n) afslaen sall aen hue(re)n pacht vors(creven) nae gelande/ vanden tijde It(em) sulle(n) voert de vors(creven) gehuyssche(n) [op hue(re)n cost houde(n)] den dijck/ vande(n) groete(n) wouwe(re) [houden] en(de) desgelijx alle de vors(creven) beemde op hue(re)n/

cost luyke(n) beheyme(n) en(de) bevrede(n) also dicke dat gebuere(n) sall/sond(er) costvande(n) welke(n) de vors(creven) henric hen den loe also vele/loex luex opde boeme bewise(n) sall alsme(n) d(aer) toe sal behoeve(n)/ den welke(n) s alsda(n) sulle(n) moete(n) doen afhouwe(n) en(de) al sond(er) cost des/ vors(creven) henrix En(de) alle dese vurwerde(n) (et)c(etera) ov(er)winge prijke(re)/ febr(uarii) xx/