Item want symoen vand(er) baren secretar(is) d(er) stad van loven(en) die nae den/ rechte d(er) stad van loven(en) comen en(de) geleit is tot allen den goeden have/ en(de) erve h(ere)n ghijsbrechs van tourneal priest(er)s opden dach van heden/ hadde doen inne scrive(n) voir meye(r) en(de) scepen(en) van loven(en) inde banc ald(aer)/ henry mahau met sine(n) medeplicht(ere)n die hem ongebr(uyc) dede aen/ so(m)mige vanden vors(creven) goeden Te weten aen eenen wijtham gehete(n)/ van tourneal metten houte vanden selven gelegen topgeldenake/ neve(n) de ghete Tot welken dage de vors(creven) henry met sinen/ medeplicht(ere)n niet comen en is den vors(creven) symone sine(n) dach/ v(er)wachten(de) Soe hebben de h(ere)n scep(enen) van lov(en) t(er) manissen/ tsmeyers gewijst voir een vo(n)nisse datmen den vors(creven) symone/ vanden vorg(enoemde) goeden houden sal in sine(n) beleide also v(er)re alst/ noch voir hen comen is p(rese)nt(ibus) scab(inis) ex(iste)n(tibus) in scampno fe(bruarii) ult(ima)/