It(em) want de voirscr(even) willem voirtijden ende voe(r) den voirscr(even) lod(ewijcken) den rijke/ en(de) lod(ewijcken) uuter helcht geleydt es geweest totten goeden des voirscr(even) lod(ewijx)/ laur(eyse) en(de) joffr(ouwe) marie(n) sijnd(er) huysvrouwen Soe heeft de selve willem/ in p(rese)nc(ia) d(er) scepen(en) van loeven(en) gestaen geloeft den voirscr(even) lod(ewijcken) en(de) lod(ewijcken) oftme(n)/ bevonde in enighe(n) toecomen(de) tijde dat de selve willem mids machte/ vanden voirg(enoemde) sijnen beleyde zed(er)t den datu(m) des selfs sijns beleyds/ tot opden dach van heden bynnen den middelen tijde enige goede come(n)/ sijnde vander zijden des voirscr(even) laur(eys) vercocht vertiert oft belast/ hadde in e(n)nig(er) manie(re)n de selve vercochte goede weder om te restitue(re)n/ en(de) de voirscr(even) belastinge(n) aff te doene oft der selv(er) geleyder goeden/ moet te gecrigene uutgenomen eene tonne wijns erfspachs die de/ selve laur(eys) op zeke(re) goede op cardenberch geleghen houdende was/ ende die de voirscr(even) willem uut machte sijns beleits voirscr(even) aen/ vranken de neusnijde(re) ov(er)gegoet heeft van welker tonnen hij ongehouden / sijn sall cor(am) eisd(em)/