It(em) de(n) vors(creven) brief sal blive(n) liggen(de) ond(er) scepen(en) va(n) loven(en) op alsulke(n)/ vuege oft goerd vande(n) ber de vors(creven) henric colve [oft symoen sijn sone] op goerde vande(n)/ berghe [naturlic] oft op sijn goede in toecomen(de) [tijde(n)] v(er)reike(n) en(de) v(er)hale(n) woude(n) alsulke(n)/ ii mudde(n) rox lijfpe(n)sie(n) staen(de) ten live des [vors(creven)] symoens sone des vors(creven) henrix colve/ vallen(de) jarlix xiii in m(er)the d(aer) inne de vors(creven) henric [colve] sijn heffe(n) heeft/ voir welke lijfpe(n)sie de vors(creven) goerd aende(n) vors(creven) henrike [colve] met arnde vande(n)/ velde en(de) ja(n)ne vande(n) mu(n)stre de(n) jonge(n) thomaes vande(n) velde borge/ bleve(n) is gelijc de(n) scepen(en) brief va(n) loven(en) die de vors(creven) henric [colve] d(aer) af/ ond(er) heeft gedateert xiii in m(er)the a(nn)[o] xiiii[c] xxxix [volcomelic inhielt] dat dan en(de) die(n)/ gevalle de vors(creven) henric vande(n) b(er)ghe hem mette(n) vors(creven) brieve sal/ moge(n) behulpe(n) opde(n) vors(creven) henr(ic) [colve] en(de) sijn goede o(m)me wed(er)om te gecrigene/[en(de) te v(er)hale(n)] also vele gelts het wae(re) tprincipael gelt vand(er) vors(creven) lijfpe(n)sie(n)/ oft enige pachte(n) d(aer) af alse de vors(creven) henric [colve] symoen sijn sone
//
mette(n) selve(n) lijfpe(n)sie brieve v(er)reict en(de) v(er)haelt sulle(n) hebbe(n) opde(n) vors(creven) goerde/ oft sijn goede metgad(er)s den coste(n) die de vors(creven) henr(ic) [colve] oft sijn sone den/ vors(creven) goerde int v(er)volge(n) d(aer) af aengedaen sulle(n) hebbe(n) [en(de) niet meer] en(de) den vors(creven)/ lijfpe(n)sie brief gecancelleert en(de) te nyeute gedaen en(de) de(n) vors(creven) goerde/ d(aer) af egeen scade gelede(n) hebbe(n) salme(n) de(n) vors(creven) brief vande(n) vors(creven) xl/ rid(er)s te nyeute doen/