Na dien dat jannes ruyssche als geleidt na der stat recht van loven tot allen den goeden have/ ende erve magriete(n) die wijf was goerts wilen van kerckem en(de) henrix die te wijve heeft clarissien/ des vors(creven) goerts en(de) magriete(n) dochter op den dach van heden inde banc voe(r) meye(r) en(de) scepen(en) van/ loven(en) aldar hij henricken van kerkem die voe(r) meye(r) en(de) scepen(en) van loven van janne vande(n) male/ en(de) pete(re)n seghers die geleidt sijn tot allen den goeden des voirs(creven) wilen goerts gegoedt is in tween/ huysen neve(n) een gelegen inde legestrate opden hoec vand(er) cleynstrate dach van rechte hadden doen/ beteken(en) en(de) de selve jannes sijn aensprake niet en continueerde noch voerts en vervolghde maerlix?/ afhandich vand(er) hant hielde en(de) hem vanden rechte na dat hij sijne aensprake vanden voirs(creven) huysen ten/ voirs(creven) henricken w(er)t gedaen hadde absenteerde So hebben de hee(re)n dscepen(en) van loven t(er) manissen smeyers/ gewijst voe(r) een vonnisse war de voirs(creven) jannes niet en quame ten opstaen smeyers en(de) d(er) scepen(en)/ datmen den voirs(creven) henricke(n) vande(n) vors(creven) goeden houden sal in sijne goedinghen cor(am) rike absoloens/ roelofs linthris iunior prijke octobr(is) xi/