It(em) de vors(creven) lodewijke heeft oppenbarlic geloeft en(de) den voirs(creven) wille(m)me toegeseedt oft gebuer/ de dat ad(ri)aen vande(n) steene den voirs(creven) lod(ewijc) afquete alsulke x peet(er)s alse deselve lod(ewijc)/ jarlix tot sine(n) live en(de) ten live des vors(creven) sijns brued(er)s op zeke(re) goede den vors(creven) ad(ri)ane/ toebehoren(de) te rots(elaer) gelege(n) jarlix gelden(de) heeft dat dan de vors(creven) willem vand(er) vors(creven) gelufte(n)/ ongehoude(n) en(de) d(aer) aff los sij sal It(em) gebuerde oec dat deselve willem vanden vors(creven)/ lod(ewijc) vande(n) vors(creven) rijnder rinte(n) vvestich(eit) dade heet sij met mer ande(re) goede(n) borge(n)/ tot hum selve(n) oft ander sijn sins daer mede de vors(creven) lod(ewijc) de te vede(n) sijn sal/ dat dan oec desgelijxs de vors(creven) ad(ri)aen en(de) sijn vors(creven) goeye quijt en(de) los sijn sulle(n)/ vande(n) vors(creven) x pet(er) peet(er)s alsse de selve lod(ewijck) dair op jarlijxs gelden(de) heeft/ alsoe dat de vors(creven) wille(m) en(de) ad(ri)aen altoes m(et) eender betelinge(n) gestae(n) moge/ cor(am) eisd(em)/