Item cond zij allen lieden dat jan ylkarts geheete(n) lauwereys sone wijle(n)/ jans in p(rese)nc(ia) heeft gehuerdt en(de) bekint dat hij gehuerdt heeft met wille en(de)/ consente h(er) willems edelheers priesters die geleit es totte(n) goede(n) willems/ wijle(n) edelhee(re) sijns vaders tegen jouffr(ouwe) aleite(n) weduwe willems wijlen/ edelhee(re) wonende opde merct een huys met alle sijnder toebehoirte(n) gelege(n)/ opde merct te loven(en) tussche(n) thoeckhuys der selver jouffr(ouwe) ald(aer) staende/ op deen zijde en(de) de goede jorijs adaems op dande(re) Item noch een huys mette(n)/ hove en(de) ande(re)n sijne(n) toebehoirte(n) geleghe(n) in rattemans porte tussche(n)/ de goede der selver jouffr(ouwe) en(de) gorijs van sinte peeters Te houden/ en(de) te besitte(n) van sinte jansmisse nu naestcomen(de) eene(n) t(er)mijn van vi/ jae(re)n langc deen nae dand(er) sonder middel volgen(de) Elx jaers dae(re)n/ bynne(n) om seven gulde(n) rijders der mu(n)ten ts(er)toghe(n) van bourg(oignen)/ ende van brabant oft die werde dair voe(r) in ande(re)n goeden gelde/ ende seven capuyne goet en(de) cusbair te wete(n) deen helcht vande(n)/ gelde en(de) vii capuyne(n) te kersmisse en(de) dander helcht te s(in)[t]/ jansmisse baptisten te betale(n) den voirs(creven) t(er)mijn due(re)nde en(de) telken/ t(er)mine als vervolghde schout Ende is claerlijck ondersproke(n) dat/ de voirscr(even) jouffr(ouwe) hebben sall halff doeft int voirs(creven) hoefken/ jaerlijx wassen(de) en(de) waert alsoe dat e(n)nich vande(n) voirs(creven) p(ar)tije(n)
//
ten eynde vanden drie yerste jae(re)n van malcande(re)n scheiden wouden/ dat hij dat sall moghe(n) doen bij alsoe dat die ghene die alsoe/ scheyden wilt [dat den and(ere)n] een jaer te voe(re)n condighe(n) sall dat den and(ere)n Geloven(de)/ de voirs(creven) jouffr(ouwe) alijt den voirscr(even) janne vander voirs(creven) hueri(n)ghe(n)/ sijnen voirscr(even) t(er)mijn due(re)nde yeghe(n) eene(n) yegelike(n) recht warant/ te sijne cor(am) pynnock winghe januar(ii) t(er)tia/