It(em) tvo(n)nisse tusschen janne van heilborre in deen zijde/ en(de) jan van yseringen porte(re) van loven(en) in dande(re) alse/ van seke(re)n vorderingen van rechte van eene(n) lij peet(er) lijftochte(n)/ ten live des selfs jans g(er)truyden vande(n) bossche die/ wettich wijf es des voirs(creven) jans van heilborre die/ de selve jan als mo(m)bour sijns wijfs voe(r) hof en(de) hee(re)/ voir gebreck vand(er) selv(er) lijftochte(n) met rechte gevolght/ heeft Welke vorderinge en(de) vervolgh de voirs(creven) jan van/ yseringen mids d(er) vrijh(eit) van sijnre porterien/ hadde doen sluyte(n) en(de) stille staen alsoe dat de/ voirs(creven) p(ar)tijen op heden jegen malcande(re)n voe(r) meye(r)/ en(de) scepen(en) van loeven(en) in rechte comen sijn/ Aldair de selve jan van heilborre hoepte en(de) meynde/ mogen voirt te vae(re)n ter plaetssen dair hij begonne(n)/ hadde ge nae dien dat hij den p(er)soene jans van/ yseringen mer sijn goede die voe(r) de voirs(creven) lijftocht/ veronderpant sijn vervolghde gelijc hij doen mochte/ nae uutwijsen van eene(n) vo(n)nisse voirtijden Te weten(e)/ vii dage in novembri int jair van xliiii tusschen/ de selve p(ar)tijen gewesen metten welken de/ selve jan van yseringen geco(n)dempneert was ja(n)ne/ van heilborre over te ghevene den brief va(n)d(er)/ voirs(creven) lijftochte die als doen ond(er) scepen(en) van/ hafflige(m) liggen(de) was o(m)me d(air) mede de selve lijftochte/ te vervolgene Wair op de voirs(creven) jan van yseringe(n)/ antw(er)de met alrehande veltworden hem luttel oft/ niet inden rechte dienende Es gewijst met/ desen woirden nae aensprake en(de) v(er)antw(er)den van/ beiden p(ar)tijen dat sij blive(n) bij alsulken vo(n)nisse/ als [bijde(n) scepen(en) van loeven(en)] sij v voirtijden d(air) af gewijst es p(rese)nt(ibus)/ pynnoc milite abs(oloens) pynnoc witte linden winge/ willem(air) julii xxix/