Item want lanselot col die nae den rechte d(er) stad van loven(en)/ come(n) en(de) geleyt es tot allen den haeflike(n) goede(n) jans wijlen le roy/ opden dach van heden hadde doen inscrive(n) voir meye(r) en(de) scepen(en) van/ loven(en) inde banc ald(aer) den meye(r) van liemeletz en(de) den meye(r) van/ mostiersurtilt die hom ongebruict dede(n) aende voirs(creven) haeflike goede/ Te weten(e) de voirs(creven) meye(r) van liemeletz aende helcht van zeke(re)n corne/ boene(n) en(de) erwete(n) geleghe(n) in een schue(re) geleghe(n) ond(er) lymeletz ende/ mostiersurtilt en(de) de voirs(creven) meye(r) van mostiersurtilt aen dande(re) helcht/ vanden voirs(creven) greyne wesende in de selve schue(re) Item aen drie p(er)den/ aen drie stucke(n) horenswvees i waghe(n) met sijnd(er) toebehoirte(n) i ploech/ i eeghde mett(er) toebehoirte(n) ii verkene iii mottale(n) potte(n) iii ketl ketels/ iiii panne(n) ii yse(re) panne(n) ii pedd p bedde(n) mett(er) toebehoerte(n) (½) doseyne/ oerkussene (½) dosyne and(er)kussene ii zeele(n) i schrine vi stoelen/ ond(er) groet en(de) cleyne eene(n) hael i aex iii voier hoys ii wagen(en)/ toemaets i doseyne tenne(n) scotele(n) i tanghe ii wijnpotte ii/ brantroede It(em) aen and(er) cleyne have tot welken daghe de/ voirs(creven) meye(re)n niet comen en sijn Soe hebben die h(ere)n scepen(en)/ van loven(en) t(er) manisse(n) smeyers gewijst voir een vonnisse dat/ men den voirs(creven) lanselote houden sal in sijne(n) beleyde alsoe/ v(er)re alst noch voir hon comen is p(rese)nt(ibus) scab(in)is vi(delicet) abs(oloens) pynnoc/ witte winge willem(air) hortbeke octobr(is) xiiii/