It(em) dbeleydt h(ier) aff gedaen sijnde saelt metten voirscr(even) schoutbr(ief)/ ond(er) scepen(en) blijven liggen(de) tot dien eynde oft de voirscr(even) maghtelt/ hue(r) met e(n)nige(n) man vertierde oft te huwelijke toghe jeghen wille/ oft consente huerer kynde(re)n oft hue(re)n erfgename(n) dat dan de geleidde/ hue(r) goede mette(n) [voirs(creven)] beleyde hue(re)n kynde(re)n op dat sij leefden Ende oft/ sij alsdan afflivich wae(re)n hue(re)n erffgenamen in hue(re) stad sall doen/ volghen Behoudelijck dien dat de voirscr(even) vrouwe d(er) selv(er) hue(re)r/ goede als tochtersse sall moeghen hante(re)n gebruyken vromen/ en(de) ontvromen Tot hue(re)n gelieften even verre dat in hue(r) niet en/ gebuerde des voirscr(even) is en(de) oft oick gebuerde dat sij e(n)nich behulp/ behoefte hue(r) goede te bescudden jeghen e(n)nighe restamente/ oft ongebruyck oft and(er) letsel diemen hoe(r) aendede soe/ salme(n) den voirscr(even) gebe geleidde mette(n) voirscr(even) beleyde/ alle behulp doen o(m)me dat met rechte [te] wed(er)stane cor(am)/ eisd(em)/