It(em) de vors(creven) henrick wante in p(rese)nc(ia) heeft geloeft [den vors(creven) jose dat hij] gorijse wante/ sone des vors(creven) wile(n) jans ond(er) sijn dage wesen(de) in dien te [hebbe(n) sal]/hebbene en(de) also te v(er)vane [vervaen] dat so wa(n)neer de vors(creven) [selve] gorijs tot sine(n)/ mondigen dagen comen sall sijn dat hij dan den vors(creven) gorijs/ jose tot sijnd(er) manissen vo voe(r) beho vande(n) viere(n)deele va(n) eene(n)/ huyse en(de) hove gelegen tarschot opden hoeck vand(er) merct tussce(n)/ thuys sh(ere)n vand(er) rivie(re)n op deen zijde en(de) de goede jans de/ cock d(aer) aff de vors(creven) joes dand(er) drie viere(n)deele vande(n) selve(n)/ huyse en(de) hove toebehoren(de) sijn voe(r) hoff en(de) hee(re) d(aer) men tselve/ huys en(de) hoff afhouden(de) is Behoerlicke goed(en) en(de) ves gued(inge) en(de)/ vestich(eit) doen sall sond(er) cost des vors(creven) gorijs En(de) de selve goede/ te war(anderen) opt sh(ere)n recht vande(n) gronde [alse voir allet recht d(aer) voe(r) uutgaen(de)] alsoe dat den vors(creven) jose/ en(de) sine(n) naecomelingen vast en(de) genoech sijn sall En(de) den vors(creven)
//
jose int viere(n)deel vande(n) vors(creven) huyse en(de) hove met sijnd(er) toebeh(oirten)/ gegoet en(de) geerft sijnde so sal dan de vors(creven) gued(inge) vanden/ vors(creven) ii mudden rox te nyeute gedaen worden en(de) te dier meyni(n)ge(n)/ sal de vors(creven) gued(inge) ond(er) scep(enen) van loven(en) blive(n) liggen(de) sond(er) den/ vors(creven) jose die te laten volgen oft gegeve(n) te worden Behoudelic/ dien datme(n) den vors(creven) jose mett(er) vors(creven) sijnd(er) gued(inge) alle behulp/[en(de) execucie] van rechte sal doen en(de) laten gescien also dicke hij des/ te doen hebbe(n) sall tot dier tijt en(de) wile(n) de selve gorijs hem/ vande(n) vors(creven) viere(n)deele d(er) vors(creven) goeden behoirlike gued(inge) sal/ hebbe(n) gedaen sond(er) argelist cor(am) eisd(em) Behoudelic oec dat/ de selve joes de vors(creven) ii mudde(n) corens niet heffen en sall/ mogen het en wae(re) dat de vors(creven) gorijs tot sine(n) dage(n) come(n)/ sijnde gued(inge) en(de) vestich(eit) vande(n) vors(creven) viere(n)deele vande(n) huyse/ t(er) manisse(n) des vors(creven) joes weygerde te doene oft oec/ w(er)t so dat de selve joes enich gebreck vonde inde vors(creven)/ vestich(eit) te doene cor(am) eisd(em)/